ម៉ាស៊ីនគិតលេខទាំងនេះពិតជាមានមែន!
ការប្រើគំនិតច្នៃប្រឌិត និងបច្ចេកវិទ្យាទំនើប Casio តែងតែស្វែងរកការបង្កើតផលិតផលដែលមិនធ្លាប់មានពីមុនមកនៅគ្រប់ទីកន្លែងក្នុងពិភពលោក។ នៅទីនេះយើងនឹងណែនាំម៉ាស៊ីនគិតលេខពិសេសមួយចំនួនរបស់ក្រុមហ៊ុន។
សូមបន្តតាមដានសម្រាប់ម៉ាស៊ីនគិតលេខប្លែកៗជាច្រើនទៀត!
ម៉ាស៊ីនគិតលេខត្រូវបានរចនាឡើងសម្រាប់ការបោះប៊ូលីង និងកម្រមាននៅក្នុងពិភពលោក
300-A
ការបោះប៊ូលីងទទួលបានប្រជាប្រិយភាពខ្លាំងនៅក្នុងប្រទេសជប៉ុនអំឡុងទសវត្សរ៍ឆ្នាំ 1970។ បុគ្គលិកនៅ Casio មានការពេញចិត្តជាពិសេសចំពោះកីឡាប្រភេទនេះ ដោយមានកម្មវិធីប្រកួតរបស់ក្រុមហ៊ុនធ្វើឡើងជាញឹកញាប់។ ភាពរីករាយនេះបាននាំឱ្យ Casio បង្កើតម៉ាស៊ីនគិតលេខពិសេសសម្រាប់អ្នកលេងបោះប៊ូលីង។ ជាមួយនឹងឧបករណ៍នេះ កីឡាករប៊ូលីងនីមួយៗនឹងទទួលបានលេខមួយ ហើយការបញ្ចូលពិន្ទុសម្រាប់កីឡាករម្នាក់ៗនឹងផ្តល់លទ្ធផលជាការបោះពុម្ពនៃរូបកីឡាករ និងពិន្ទុរបស់ពួកគេទៅតាមលំដាប់ចុះ។ ម៉ាស៊ីនគិតលេខមានសមត្ថភាពកំណត់ចំណាត់ថ្នាក់បានយ៉ាងឆាប់រហ័ស និងដោយស្វ័យប្រវត្តិសម្រាប់កីឡាកររហូតដល់ 181 នាក់ ដែលជួយសម្រួលការគណនានៅទីលានបោះប៊ូលីង និងគ្រប់គ្រងការប្រកួតជាឯកជន។
ម៉ូដែលថ្មីសន្លាងសម្រាប់វាស់មុខងារសរីរាង្គ
H-801
ក្នុងអំឡុងពាក់កណ្តាលនៃការអភិវឌ្ឍរបស់ខ្លួនទៅលើប្រភេទម៉ូដែលម៉ាស៊ីនគិតលេខផ្សេងគ្នា នៅឆ្នាំ 1975 ក្រុមហ៊ុន Casio បានបញ្ចេញម៉ូដែល H-801 Casio Bioolator ដែលជាម៉ាស៊ីនគិតលេខមានសមត្ថភាពវាស់មុខងារសរីរាង្គ។ នៅពេលនោះគោលគំនិតនៃការវាស់មុខងារសរីរាង្គនេះទទួលបានប្រជាប្រិយភាពខ្លះដែរនៅក្នុងប្រទេសជប៉ុន។ ទ្រឹស្ដីនេះបានបង្ហាញឱ្យឃើញថាមនុស្សទាំងអស់មានចង្វាក់នៃវដ្តមួយ ដែលរួមមានស្ថានភាពផ្លូវកាយ អារម្មណ៍ និងបញ្ញាខុសៗគ្នា ចាប់ពីពេលដែលពួកគេកើតមក ហើយថាអន្តរកម្មក្នុងចំណោមចង្វាក់ផ្សេងៗគ្នាទាំងនេះ ទទួលខុសត្រូវចំពោះពេលវេលាដែលអំណោយផល ឬមិនអំណោយផលក្នុងជីវិតប្រចាំថ្ងៃរបស់ពួកគេ។ អ្នកប្រើប្រាស់អាចមើលស្ថានភាពនៃមុខងារសរីរាង្គរបស់ពួកគេនៅពេលមានចម្ងល់ ដោយគ្រាន់តែបញ្ចូលថ្ងៃកំណើត និងកាលបរិច្ឆេទនៃការគណនាដែលចង់បាន។ ម៉ូដែលនេះបានទទួលជោគជ័យក្នុងការពង្រីកទីផ្សារសម្រាប់ម៉ាស៊ីនគិតលេខរបស់ Casio តាមរយៈការបន្ថែមមុខងារថ្មីទៅក្នុងឧបករណ៍របស់ខ្លួន និងមានមុនគេចំពោះផលិតផលផ្សំដែលនឹងមកដល់បន្ទាប់។
“Computer Quartz” មានមុខងារបួនក្នុងឧបករណ៍មួយ
CQ-1 / CQ-2
Computer Quartz CQ-1 និង CQ-2 រួមបញ្ចូលគ្នានូវមុខងារនៃនាឡិកា ម៉ោងរោទ៍ នាឡិកាកំណត់ពេល និងម៉ាស៊ីនគិតលេខអេឡិចត្រូនិក ហើយថែមទាំងមានប្រតិទិនខាងក្នុងទៀតផង។ ក្នុងនាមជានាឡិកាអេឡិចត្រូនិកពហុមុខងារ CQ-1 និង CQ-2 អាចធ្វើការគណនាមិនត្រឹមតែតាមពេលវេលាប៉ុណ្ណោះទេ ប៉ុន្តែតាមកាលបរិច្ឆេទផងដែរ។ អេក្រង់បង្ហាញម៉ោងឌីជីថលរបស់ CQ-1 ឬ CQ-2 មានអារម្មណ៍ថាទំនើបសម្រាប់សម័យកាលនេះ ហើយការប្រើប្រាស់វាមិនបង្កើតសំឡេងចុចធម្មតាដូចនាឡិកាមេកានិចដទៃទៀតនោះទេ។ ម៉ោងអាចមើលឃើញនៅពេលយប់តាមរយៈអេក្រង់បង្ហាញពន្លឺណេអុងក្នុងសុញ្ញាកាសដែលធ្វើឱ្យងាយស្រួលមើលក្នុងបន្ទប់គេងងងឹត។ លក្ខណៈទាំងនេះ និងលក្ខណៈផ្សេងទៀតត្រូវបានណែនាំនៅក្នុងកាតាឡុកក្នុងសម័យនេះ។ តាមរយៈការរចនាខុសប្លែកគេ និងពណ៌ប៉ុបប្លែកៗ ម៉ូដែល CQ-1 ជាច្រើនដែលមានពណ៌ផ្សេងៗគ្នាជាច្រើន ដែលមិនសូវទូលំទូលាយក្នុងចំណោមម៉ាស៊ីនគិតលេខក្នុងសម័យនេះ ធ្វើឱ្យវាមានភាពទាក់ទាញ
ម៉ាស៊ីនគិតលេខ “តូចបំផុតរបស់ពិភពលោក”
M-800
ម៉ាស៊ីនគិតលេខ "Micro Mini" នេះមានទំហំសមល្មមដែលកាន់ក្នុងដៃរបស់អ្នកយ៉ាងងាយស្រួល។ វាត្រូវបានណែនាំក្នុងកាតាឡុកនៃសម័យនេះថាជា "ម៉ាស៊ីនគិតលេខតូចបំផុតរបស់ពិភពលោក" និងបង្ហាញវាជាមួយនឹងបាល់វាយកូនហ្គោល។ អាយុកាលថ្មយូរជាងនេះអាចសម្រេចបានដោយការបំប្លែងអេក្រង់ដែលបង្ហាញលេខ និងការគណនាទៅជា LCD ខុសពីអេក្រង់បង្ហាញពន្លឺណេអុងក្នុងសុញ្ញាកាសដែលត្រូវបានប្រើក្នុងម៉ូដែលដូចជា Casio Mini ក្នុងឆ្នាំ 1972។ ម៉ាស៊ីនគិតលេខត្រូវបានរចនាឡើងដើម្បីដំណើរការលើថ្មពិលគ្រាប់តូច ដែលជួយកាត់បន្ថយទំហំទាំងមូល។ ការវិវឌ្ឍន៍បន្ថែមទៀតនៃភាពងាយស្រួលក្នុងការយកតាមខ្លួននឹងកើតឡើងនៅពេលក្រោយ នៅក្នុងម៉ាស៊ីនគិតលេខដែលស្រដៀងនឹងកាត ប៉ុន្តែនៅតែងាយស្រួលប្រើជាមួយនឹងអេក្រង់ធំ និងប៊ូតុងរបស់វា។
ម៉ាស៊ីនគិតលេខរួមបញ្ចូលនាឡិកាកំណត់ពេលដំបូងគេរបស់ពិភពលោក
ST-1
ST-1 គឺជាម៉ាស៊ីនគិតលេខដែលរួមបញ្ចូលមុខងារនាឡិកាកំណត់ពេល។ វាមានរូបរាងខុសប្លែកគេ ដោយមានប៊ូតុងចាប់ផ្តើម/បញ្ឈប់នៅចំហៀងត្រូវបានដំណើរការយ៉ាងងាយស្រួលដោយមេដៃរបស់អ្នកប្រើប្រាស់។ ST-1 មានម៉ូដនាឡិកាកំណត់ពេលចំនួនបួន ឧទាហរណ៍ មានសមត្ថភាពគណនាពេលវេលាសរុប និងពេលវេលាជាមធ្យមរបស់អ្នករត់ប្រណាំងបីនាក់ដែលកំពុងរត់ចម្ងាយ 100 ម៉ែត្រ តាមដានពេលវេលាបន្ថែមក្នុងអំឡុងពេលប្រកួតបាល់ទាត់ និងវាស់រយៈពេលជុំសម្រាប់គីឡូម៉ែត្រនីមួយៗនៃការរត់ 10 km។ ដូចដែលបានបង្ហាញក្នុងឧទាហរណ៍ទាំងនេះ ម៉ូឌែលនេះត្រូវបានរចនាឡើងសម្រាប់ប្រើប្រាស់ក្នុងការលេងកីឡា។
ម៉ាស៊ីនគិតលេខដែលមានហ្វីមស្ដើងបំផុតក្នុងពិភពលោកកម្រាស់ 0.8 មម
SL-800
នៅពេលចេញលក់ម៉ូដែលនេះ ក្រុមហ៊ុនផលិតផ្សេងៗកំពុងប្រជែងគ្នាយ៉ាងខ្លាំងដើម្បីមើលថាតើអ្នកណាអាចផលិតម៉ាស៊ីនគិតលេខបានស្តើងជាងគេ។ កិច្ចខិតខំប្រឹងប្រែងរបស់ Casio ដើម្បីធ្វើឱ្យម៉ាស៊ីនគិតលេខរបស់ខ្លួនតូចជាងមុន និងស្តើងជាងមុនត្រូវបានដំណើរការរួចរាល់ហើយ ដែលអាចមើលឃើញតាមរយៈការវិវឌ្ឍរបស់ខ្លួនពីម៉ាស៊ីនគិតលេខលើតុដំបូង ហើយបន្ទាប់មកបន្តវិវឌ្ឍទៅជាទំហំផ្ទាល់ខ្លួន ក៏ដូចជាទំហំដែលអាចយកតាមខ្លួនបាន និងទំហំប៉ុនណូតប៊ុក។ ដើម្បីអភិវឌ្ឍកិច្ចខិតខំប្រឹងប្រែងទាំងនេះបន្ថែមទៀត ក្រុមហ៊ុនបានបញ្ចេញម៉ូដែល SL-800 ដោយមោទនភាព ដែលបានដាក់ឈ្មោះថា “ម៉ាស៊ីនគិតលេខដែលមានរូបរាងតូចស្ដើងបំផុត។” វាមានកម្រាស់ស្ដើងខ្លាំងត្រឹមតែ 0.8 មីលីម៉ែត្រ និងមានទម្ងន់ត្រឹមតែ 12 ក្រាមប៉ុណ្ណោះ។ កម្រាស់នេះធ្វើឱ្យម៉ាស៊ីនគិតលេខមានរូបរាងស្ដើងខ្លាំងដែលប៉ុននឹងកាតឥណទានដែរ។ ការរចនាម៉ូដែល SL-800 ត្រូវបានបង្កើតឡើងតាមរយៈការប្រើបច្ចេកវិទ្យា LSI ចុងក្រោយបង្អស់ និងអេក្រង់ប្រភេទគ្រីស្តាល់រាវ ដែលវាក្លាយជាផ្នែកមួយនៃជីវិតប្រចាំថ្ងៃរបស់មនុស្សម្នាក់យ៉ាងងាយស្រួល។ នេះមិនមែនជាការនិយាយបំផ្លើសទេដែលម៉ូដែលនេះបានផ្លាស់ប្តូរការយល់ឃើញរបស់មនុស្សឱ្យពាក់វាតាមខ្លួន។
