លក្ខខណ្ឌនៃការប្រើប្រាស់

គេហទំព័រនេះ ("គេហទំព័រ") ត្រូវបានថែរក្សា និងគ្រប់គ្រងដោយ CASIO COMPUTER CO., LTD (CASIO) និងក្រុមហ៊ុនជាក្រុមរបស់ខ្លួន។ ដើម្បីប្រើប្រាស់គេហទំព័រនេះ ដំបូងអ្នកត្រូវតែអានលក្ខខណ្ឌនៃការប្រើប្រាស់ដែលមានរាយខាងក្រោម ហើយយល់ព្រមតាមលក្ខខណ្ឌទាំងនោះ។
CASIO រក្សាសិទ្ធិផ្លាស់ប្តូរលក្ខខណ្ឌនៃការប្រើប្រាស់គេហទំព័រដោយមិនចាំបាច់ជូនដំណឹងជាមុន។ នៅក្នុងករណីនេះ កំណែដែលបានធ្វើបច្ចុប្បន្នភាពនៃឯកសារនេះនឹងត្រូវបានបង្ហោះ។ ត្រូវប្រាកដថា ពិនិត្យរកមើលកំណែចុងក្រោយបំផុត។

សិទ្ធិថតចម្លង និងពាណិជ្ជសញ្ញា

សិទ្ធិថតចម្លង និងសិទ្ធិផ្សេងទៀតដែលទាក់ទងនឹងព័ត៌មានទាំងអស់ដែលមានរាយនៅលើគេហទំព័រនេះរួមមាន អត្ថបទ រូបភាព សំឡេង និងសុហ្វវែរ ("ខ្លឹមសារ") ដែលផ្តល់នៅលើគេហទំព័រ ហើយត្រូវបានរក្សាទុកដោយ CASIO និង/ឬអ្នកផ្តល់អាជ្ញាបណ្ណ។
លើកលែងតែខ្លឹមសារនោះត្រូវបានបោះពុម្ព ឬរក្សាទុកតែសម្រាប់ការប្រើប្រាស់ផ្ទាល់ខ្លួន ឬបើមិនដូច្នេះទេត្រូវបានអនុញ្ញាតក្រោមច្បាប់រក្សាសិទ្ធិថតចម្លង សកម្មភាពដូចជា ការថតចម្លង ការបញ្ជូនជាសាធារណៈ ការចែកចាយ ការយកលំនាំតាម ឬការដកខ្លឹមសារចេញ ឬការប្រើប្រាស់ខ្លឹមសារនៅលើគេហទំព័ររបស់អតិថិជន (ហៅកាត់ថា “ការប្រើប្រាស់ខ្លឹមសារ”) ដោយគ្មានការយល់ព្រមជាមុនពីម្ចាស់សិទ្ធិថតចម្លងត្រូវបានហាមឃាត់យ៉ាងតឹងរឹងក្រោមច្បាប់សិទ្ធិថតចម្លង។ ការយល់ព្រមគួរតែទទួលបានជាមុនពី CASIO។
សូមកត់សម្គាល់ថា ការយល់ព្រមអាចនឹងត្រូវបានដកហូតចំពោះការប្រើប្រាស់ខ្លឹមសារដែលចាត់ទុកថាមិនសមរម្យដោយ CASIO ពីព្រោះខ្លឹមសារនោះរួមមានរូបព្រាលផ្ទៃក្រោយ ឬរួមមានពាណិជ្ជសញ្ញា ឬស្នាដៃដែលសិទ្ធិថតចម្លងត្រូវបានរក្សាដោយភាគីទីបី។ ប្រសិនបើការយល់ព្រមត្រូវបានផ្តល់ដោយ CASIO ហើយខ្លឹមសារត្រូវបានប្រើប្រាស់នោះ សិទ្ធិថតចម្លងគួរតែបង្ហាញដូចដែលបានកំណត់ដោយ CASIO។ លើកលែងតែការយល់ព្រមត្រូវបានផ្តល់ដោយ CASIO យ៉ាងច្បាស់លាស់ ស្ថិតក្រោមកាលៈទេសៈណាក៏ដោយ CASIO មិនផ្តល់ឲ្យអតិថិជននូវសិទ្ធិថតចម្លង សិទ្ធិប៉ាតង់ សិទ្ធិពាណិជ្ជសញ្ញា ឬសិទ្ធិកម្មសិទ្ធិបញ្ញាផ្សេងទៀតដែលទាក់ទងនឹងខ្លឹមសារនោះឡើយ។

CASIO រក្សាសិទ្ធិផ្លាស់ប្តូរ ឬលុប URL សម្រាប់គេហទំព័រ និងខ្លឹមសារណាមួយនៅលើគេហទំព័រដោយមិនចាំបាច់ជូនដំណឹងជាមុន។

សេចក្ដីប្រកាសមិនទទួលខុសត្រូវ

CASIO មិនមានការធានាណាមួយទាក់ទងនឹងអត្ថប្រយោជន៍ ភាពជឿជាក់ ឬភាពត្រឹមត្រូវនៃខ្លឹមសារ ឬខ្លឹមសារនោះមិនទាន់សម័យនោះទេ។
CASIO មិនទទួលខុសត្រូវចំពោះការខូចខាត ឬការបាត់បង់ណាមួយដែលកើតឡើងពីការប្រើប្រាស់របស់អតិថិជន ឬអសមត្ថភាពក្នុងការប្រើប្រាស់ខ្លឹមសារនៅលើគេហទំព័រនេះឡើយ។

ការហាមឃាត់

គេហទំព័រនេះមិនអាចប្រើប្រាស់ចំពោះចំណុចដូចខាងក្រោម៖

សកម្មភាពដែលរំលោភបំពាន ឬអាចរំលោភបំពានសិទ្ធិ ទ្រព្យសម្បត្តិ ឬឯកជនភាពរបស់ CASIO ឬភាគីទីបីណាមួយ
សកម្មភាពដែល ឬអាចជាគុណវិបត្តិ ឬបង្កគ្រោះថ្នាក់ដល់ CASIO ឬភាគីទីបីណាមួយ
សកម្មភាពដែលរំលោភបំពាន ឬអាចរំលោភបំពានសណ្តាប់ធ្នាប់សាធារណៈ និងសីលធម៌
សកម្មភាពដែលបង្កើត ឬអាចបង្កើតជាឧក្រិដ្ឋកម្ម ឬដែលនាំឲ្យ ឬអាចនាំឲ្យមានឧក្រិដ្ឋកម្ម
សកម្មភាពដែលរាយការណ៍ ឬប្រកាសភាពមិនពិត រួមមានការចុះឈ្មោះក្រោមអាសយដ្ឋានអ៊ីមែលរបស់បុគ្គលផ្សេងទៀត
សកម្មភាពដែលធ្វើឡើងក្នុងការរៀបចំ ឬក្នុងគោលបំណងធ្វើអាជីវកម្ម ឬបង្កើតប្រាក់ចំណេញ
សកម្មភាពដែលធ្វើឲ្យខូចកេរ្តិ៍ឈ្មោះ ឬភាពគួរជឿបានរបស់ CASIO ឬភាគីទីបីណាមួយ
សកម្មភាពដែលបង្កើត ឬអាចបង្កើតជាការប្រើប្រាស់ ឬអាប់ឡូតវីរុសកុំព្យូទ័រ ឬសូហ្វវែរព្យាបាទ ឬគ្រោះថ្នាក់ផ្សេងទៀត
សកម្មភាពផ្សេងទៀតដែលរំលោភបំពាន ឬអាចរំលោភបំពានលើច្បាប់ លក្ខន្ដិកៈ ឬបទប្បញ្ញត្តិ
សកម្មភាពផ្សេងទៀតទាំងឡាយដែលត្រូវបានចាត់ទុកថា មិនសមរម្យដោយ CASIO

មជ្ឈដ្ឋានប្រតិបត្តិការ

អាស្រ័យលើសូហ្វវែរកម្មវិធីរុករក កំណែប្រព័ន្ធប្រតិបត្តិការ ឬការកំណត់ប្រព័ន្ធដែលត្រូវបានប្រើ គេហទំព័រនេះអាចនឹងមិនអាចចូលដំណើរការ ឬអាចនឹងមិនដំណើរការ ឬបង្ហាញត្រឹមត្រូវឡើយ។ យើងសូមអភ័យទោសចំពោះភាពរអាក់រអួលណាមួយ។
គេហទំព័រនេះប្រើប្រាស់ JavaScript។ ដើម្បីមើលគេហទំព័រនេះ សូមបើក JavaScript នៅក្នុងការកំណត់កម្មវិធីរុករករបស់អ្នក។

តំណ

តំណទៅគេហទំព័ររបស់ភាគីទីបីនៅលើគេហទំព័រនេះ
តំណទៅគេហទំព័រផ្សេងទៀតនៅលើគេហទំព័រនេះត្រូវ បានផ្តល់ជូនសម្រាប់ភាពងាយស្រួលដល់អ្នកគ្រប់គ្នា។ ការចូលទៅកាន់តំណទាំងនេះនឹងធ្វើឲ្យអ្នកចាកចេញពីគេហទំព័រនេះ ហើយចូលទៅគេហទំព័រដែលបានភ្ជាប់។ CASIO មិនត្រួតពិនិត្យទាំងស្រុងលើគេហទំព័រខាងក្រៅទាំងនេះ ឬមិនគ្រប់គ្រងគេហទំព័រ ឬខ្លឹមសាររបស់ពួកគេ ហើយមិនទទួលខុសត្រូវចំពោះខ្លឹមសារនោះឡើយ។ ដូច្នេះ CASIO មិនផ្តល់ការណែនាំ ឬផ្តល់ការធានាណាមួយដោយជាក់លាក់ទាក់ទងនឹងគេហទំព័រទាំងនេះ ឬព័ត៌មាន សូហ្វវែរ ឬផលិតផល ឬសេវាកម្មផ្សេងទៀតដែលផ្តល់នៅលើគេហទំព័រ ឬលទ្ធផលដែលទទួលបានពីនោះឡើយ។ ការចូលទៅកាន់គេហទំព័រផ្សេងទៀតតាមរយៈតំណនៅលើគេហទំព័រនេះគឺជាការទទួលខុសត្រូវផ្ទាល់ខ្លួនរបស់អតិថិជន។
ប្រសិនបើតំណនៅលើគេហទំព័រនេះត្រូវបានបង្ហោះនៅលើគេហទំព័រផ្ទាល់ខ្លួនរបស់អ្នកនោះ
តំណទៅកាន់គេហទំព័រនេះអាចត្រូវបានបង្ហោះ ប្រសិនបើតំណទាំងនោះគោរពតាមលក្ខខណ្ឌនៃការប្រើប្រាស់ដែលកំណត់ដោយ CASIO។ នៅពេលបង្ហោះតំណទៅគេហទំព័រនេះ លក្ខខណ្ឌតម្រូវខាងក្រោមគួរតែត្រូវបានបំពេញ៖

តំណពីគេហទំព័រខាងក្រោមត្រូវបានទប់ស្កាត់៖
ក. គេហទំព័រដែលមានខ្លឹមសារនិយាយបង្កាច់បង្ខូច CASIO ឬបុគ្គលិក ផលិតផល ឬសេវាកម្មណាមួយរបស់ CASIO
ខ. គេហទំព័រដែលរួមបញ្ចូលខ្លឹមសារមិនសមគួរ ឬអាសអាភាស ឬដែលរំលោភបំពានលើសណ្តាប់ធ្នាប់សាធារណៈ ឬសីលធម៌
គ. គេហទំព័រដែលមានខ្លឹមសារខុសច្បាប់
CASIO មិនទទួលខុសត្រូវចំពោះការបាត់បង់ ឬការខូចខាតណាមួយដែលកើតចេញពីការបង្ហោះតំណទៅគេហទំព័រឡើយ។
CASIO រក្សាសិទ្ធិផ្លាស់ប្តូរ ឬលុប URL និងព័ត៌មានរបស់គេហទំព័រដោយមិនចាំបាច់ជូនដំណឹងជាមុន។
ឈ្មោះក្រុមហ៊ុន CASIO គួរតែសរសេរជា "CASIO Computer Co., Ltd", "CASIO Computer" ឬ "CASIO"។
នៅពេលភ្ជាប់ពីគេហទំព័រដែលប្រើស៊ុម ចូរបញ្ជាក់ពីជម្រើសគោលដៅជានិច្ច។

នៅពេលដែល CASIO យល់ឃើញថា តំណអាចនឹងធ្វើឲ្យប៉ះពាល់ដល់ភាពជឿជាក់នៃព័ត៌មានដែលបានបោះពុម្ពផ្សាយនៅលើគេហទំព័រ CASIO អាចនឹងស្នើសុំឲ្យលុបតំណនោះ។ យើងសូមអភ័យទោសចំពោះភាពរអាក់រអួលណាមួយ។

គោលការណ៍ស្តីពីការស្នើសុំគំនិត

សម្រាប់ព័ត៌មានអំពីការស្នើសុំគំនិត ឬសំណើសុំផ្សេងទៀត សូមមើល ទំព័រគោលការណ៍ស្តីពីការស្នើសុំគំនិត។

ការត្រួតពិនិត្យការនាំចេញ

នៅពេលដែលផលិតផលដែលបានទិញ ឬបច្ចេកវិទ្យា ឬកម្មវិធីដែលបានផ្គត់ផ្គង់នៅលើគេហទំព័រត្រូវបាននាំចេញនោះ (រួមមានការយកទំនិញទៅក្រៅប្រទេស និងការបង្ហាញដល់អ្នកដែលមិនមែនជាអ្នករស់នៅក្នុងប្រទេសជប៉ុន) ការនាំចេញនោះគួរតែអនុលោមតាមច្បាប់ប្តូរប្រាក់បរទេស និងពាណិជ្ជកម្មបរទេស ច្បាប់គ្រប់គ្រងការនាំចេញរបស់សហរដ្ឋអាមេរិក និងច្បាប់ដែលពាក់ព័ន្ធផ្សេងទៀត។

គោលការណ៍ស្តីពីឯកជនភាព

សម្រាប់ព័ត៌មានអំពីគោលការណ៍ស្តីពីការការពារព័ត៌មានបុគ្គលរបស់ CASIO សូមមើល ទំព័រគោលការណ៍ស្តីពីឯកជនភាព។

គោលការណ៍ស្តីពីការចូលប្រើគេហទំព័រ

សម្រាប់ព័ត៌មានអំពីគោលការណ៍ស្តីពីការចូលប្រើគេហទំព័ររបស់ CASIO សូមមើល ទំព័រគោលការណ៍ស្តីពីការចូលប្រើគេហទំព័រ។

ច្បាប់ដែលពាក់ព័ន្ធ និងយុត្តាធិការនៃកិច្ចព្រមព្រៀង

លក្ខខណ្ឌនៃការប្រើប្រាស់ទាំងនេះត្រូវអនុលោមតាមច្បាប់ប្រទេសជប៉ុន។ ក្នុងករណីដែលមិនមានចែងបញ្ហានៅក្នុងលក្ខខណ្ឌនៃការប្រើប្រាស់ទាំងនេះ ឬមានភាពមិនច្បាស់លាស់ណាមួយទាក់ទងនឹងលក្ខខណ្ឌនៃការប្រើប្រាស់ទាំងនេះ បញ្ហានោះត្រូវបានដោះស្រាយតាមរយៈការពិភាក្សាដែលធ្វើឡើងដោយស្មោះត្រង់រវាងអតិថិជន និង CASIO។
ក្នុងករណីគ្មានដំណោះស្រាយណាមួយតាមរយៈការពិភាក្សាបែបនោះ ហើយបញ្ហានោះទាមទារឲ្យមានដំណើរការនីតិវិធីតាមផ្លូវច្បាប់ តុលាការផ្តាច់មុខនៃសាលាដំបូងគឺតុលាការដំបូងតូក្យូ (Tokyo District Court)។

លក្ខខណ្ឌនៃការប្រើប្រាស់

សិទ្ធិថតចម្លង និងពាណិជ្ជសញ្ញា

សេចក្ដីប្រកាសមិនទទួលខុសត្រូវ

ការហាមឃាត់

មជ្ឈដ្ឋាន​ប្រតិបត្តិការ

តំណ

គោលការណ៍​ស្តី​ពី​ការស្នើសុំគំនិត

ការត្រួតពិនិត្យ​ការនាំចេញ

គោលការណ៍ស្តីពីឯកជនភាព

គោលការណ៍​ស្តីពី​ការចូលប្រើគេហទំព័រ

ច្បាប់​ដែលពាក់ព័ន្ធ និង​យុត្តាធិការនៃកិច្ចព្រមព្រៀង

Select a location

មជ្ឈដ្ឋានប្រតិបត្តិការ

គោលការណ៍ស្តីពីការស្នើសុំគំនិត

ការត្រួតពិនិត្យការនាំចេញ

គោលការណ៍ស្តីពីការចូលប្រើគេហទំព័រ

ច្បាប់ដែលពាក់ព័ន្ធ និងយុត្តាធិការនៃកិច្ចព្រមព្រៀង