រយៈពេល 30 ឆ្នាំនៃវត្តមាននាឡិកា PRO TREK
នាឡិកា PRO TREK ត្រូវបានអ្នកប្រើប្រាស់ជឿទុកចិត្ត និងចាត់ទុកថាជាផ្នែកមួយដ៏សំខាន់នៃឧបករណ៍ប្រើប្រាស់នៅខាងក្រៅរបស់ពួកគេ។ នាឡិកា PRO TREK រួមបញ្ចូលបច្ចេកវិទ្យាចាប់សិនស័រ រួមទាំងសិនស័របីគ្រាប់ ជាមួយនឹងការរចនាដែលមានប្រយោជន៍។ ចាប់តាំងពីការបង្ហាញខ្លួនជាលើកដំបូងរបស់ PRO TREK ក្នុងឆ្នាំ 1995 មក ម៉ាកនេះបានប្ដេជ្ញាចិត្តចំពោះការច្នៃប្រឌិតផ្នែកបច្ចេកវិទ្យា ដោយបន្តពង្រីកការគាំទ្រដល់សកម្មភាពខាងក្រៅជាច្រើនបែប ចាប់ពីការឡើងកំពូលភ្នំដែលមានកម្ពស់ជាង 8,000 ម៉ែត្រ រហូតដល់ការដើរលេងកម្សាន្តធម្មតា ការដើរព្រៃ ការនេសាទ និងការបោះជំរុំជាដើម។ នៅនិទាឃរដូវឆ្នាំ 2022 យើងបានប្រើប្រាស់ជ័របែបជីវសាស្ត្រនៅលើនាឡិកា PRO TREK ដើម្បីចូលរួមកាត់បន្ថយផលប៉ះពាល់បរិស្ថាន ដែលជាចំណុចសំខាន់មួយក្នុងដំណើរនៃការអភិវឌ្ឍរបស់ម៉ាកនេះ។ ការអភិវឌ្ឍនេះបានបង្ហាញពីការផ្លាស់ប្ដូររបស់ម៉ាកទៅកាន់ដំណាក់កាលថ្មីមួយ ដែលធ្វើឱ្យបទពិសោធនៅខាងក្រៅកាន់តែប្រសើរ និងបង្កើនទំនាក់ទំនងកាន់តែស៊ីជម្រៅជាមួយពិភពធម្មជាតិ។
PRO TREK នៅតែបន្តបេសកកម្មគ្មានទីបញ្ចប់ ដើម្បីសម្រេចបានកម្រិតម៉ាកកាន់តែខ្ពស់ជាងនេះ។
1995
ការបង្ហាញខ្លួនជាលើកដំបូងរបស់ម៉ាកនាឡិកា PRO TREK
សម្រាប់អ្នកដែលចូលចិត្តការឡើងភ្នំ
PRO TREK បានចាប់ផ្ដើមនៅឆ្នាំ 1995 ក្នុងនាមជាម៉ាកដែលផ្ដោតលើការកែសម្រួលបច្ចេកវិទ្យាសិនស័រដើមពី Casio សម្រាប់ការប្រើប្រាស់នៅខាងក្រៅ។ នាឡិកា PRO TREK ដំបូងគេគឺម៉ូដែល DPX-500 បំពាក់នូវបច្ចេកវិទ្យាសិនស័របីគ្រាប់ ដែលផ្ដល់នូវការវាស់ស្ទង់ទិសដៅត្រីវិស័យ សម្ពាធបរិយាកាស រយៈកម្ពស់ និងសីតុណ្ហភាព។ នាឡិកានេះអាចជួយអ្នកប្រើប្រាស់ក្នុងការតាមដានស្ថានភាពប្រែប្រួល និងធ្វើការសម្រេចចិត្តបានយ៉ាងរហ័សនៅនឹងកន្លែង។ ជាមួយនឹងភាពជាក់លាក់របស់វា នាឡិកា PRO TREK ដំបូងគេបានបង្កើតអត្តសញ្ញាណម៉ាកយ៉ាងឆាប់រហ័សនៅក្នុងអំឡុងពេលមានការកើនឡើងចំនួននៃការឡើងភ្នំនៅក្នុងប្រទេសជប៉ុន។ DPX-500 បានក្លាយជានាឡិកាជាទីពេញនិយមរបស់អ្នកឡើងភ្នំ ដោយលេចធ្លោជាឧបករណ៍ប្រើប្រាស់នៅខាងក្រៅដ៏ប្រណិតដែលផ្ដល់ទិន្នន័យចាំបាច់ ដូចជារយៈកម្ពស់ និងទិសដៅត្រីវិស័យនៅលើនាឡិកាដៃ។
DPX-500
PRO TREK ដំបូងគេដែលបំពាក់ទៅដោយបច្ចេកវិទ្យាសិនស័រ
បច្ចេកវិទ្យាត្រូវបានអភិវឌ្ឍសម្រាប់នាឡិកា PRO TREK
សិនស័របីគ្រាប់កំណែ 1
បច្ចេកវិទ្យាស្នូលរបស់ PRO TREK សម្រាប់ការវាស់ស្ទង់បាតុភូតធម្មជាតិ
Casio បានបង្កើតបច្ចេកវិទ្យាម៉ោនដង់ស៊ីតេខ្ពស់ ដើម្បីដាក់បញ្ចូលសិនស័រចាប់ម៉ាញ៉េទិក សម្ពាធ និងសីតុណ្ហភាពទៅក្នុងនាឡិកាដៃ ដែលអាចឱ្យការវាស់ស្ទង់ទិសដៅត្រីវិស័យ សម្ពាធបរិយាកាស រយៈកម្ពស់ និងសីតុណ្ហភាពដើរដោយប្រើថាមពលថ្ម។ ការច្នៃប្រឌិតថ្មីនេះដែលសម្រេចបានរយៈពេលមួយឆ្នាំមុនការដាក់លក់នាឡិកា PRO TREK បានដើរតួនាទីយ៉ាងសំខាន់ក្នុងការកំណត់ទិសដៅម៉ាក និងផ្ដល់នូវឧបករណ៍ដែលអាចទុកចិត្តបានសម្រាប់អ្នកដែលចូលចិត្តការដើរកម្សាន្តនៅខាងក្រៅ។
1995
DPX-300
ម៉ាស៊ីនស្កេនកម្ដៅ (សិនស័រវិទ្យុសកម្មអ៊ីនហ្វ្រារ៉េដ)
1996
PRT-40
ពន្លឺភ្លើង EL ស្វ័យប្រវត្តិ
1998
PRT-4000
តួនាឡិកាស្រោបលោហៈពេញដំបូងគេ
1999
PRT-1400
ឧបករណ៍វាស់រយៈកម្ពស់ដែលវាស់បានរហូតដល់ 6,000 ម៉ែត្រ
1999
PRT-1GPJ
នាឡិកាដំបូងគេ*ក្នុងពិភពលោកដែលមានប្រព័ន្ធ GPS បំពាក់មកស្រាប់
* ផ្អែកលើការស្ទង់មតិរបស់ Casio
2000
ការកំណត់គោលគំនិតសម្រាប់នាឡិកានេះជាឧបករណ៍ប្រើប្រាស់នៅខាងក្រៅ
គោលគំនិតផ្ដោតលើភាពងាយស្រួលនៃការប្រើប្រាស់តាមទស្សនៈអ្នកប្រើប្រាស់
ក្នុងឆ្នាំ 2000 វឌ្ឍនភាពដ៏សំខាន់មួយបានកើតឡើងនៅក្នុងការបង្កើតនាឡិកា PRO TREK ជាផ្នែកមួយដ៏សំខាន់នៃឧបករណ៍ប្រើប្រាស់នៅខាងក្រៅរបស់អ្នកប្រើប្រាស់។ ដោយប្រកាន់យកគំនិតដែលថា ឧបករណ៍ដ៏មានប្រសិទ្ធភាពត្រូវតែបង្កើតឡើងដោយការបទពិសោធក្នុងពិភពពិតប្រាកដ ក្រុមអ្នកជំនាញឡើងភ្នំត្រូវបានអញ្ជើញឱ្យធ្វើជាទូតសុឆន្ទៈម៉ាក ដើម្បីផ្ដល់ធាតុចូលដោយផ្អែកលើចំណេះដឹងវិជ្ជាជីវៈរបស់ពួកគេ។ មតិកែលម្អរបស់ពួកគេបាននាំឱ្យមានគំនិតថ្មីមួយក្នុងការកែលម្អនាឡិកាដៃឱ្យក្លាយជាឧបករណ៍ប្រើប្រាស់នៅខាងក្រៅពិតប្រាកដ ដោយដោះស្រាយបញ្ហាសំខាន់ៗដូចជា ទំហំអក្សរ ភាពងាយស្រួលនៃប្រតិបត្តិការ និងព័ត៌មានដែលបង្ហាញនៅលើអេក្រង់ដ៏ស្មុគស្មាញ។ ឧទាហរណ៍ ម៉ូដែល PRG-40 បានបង្កើនប្រសិទ្ធភាពការប្រើប្រាស់តាមរយៈអេក្រង់ធំងាយស្រួលអាន និងប៊ូតុងសិនស័រផ្ទាល់សម្រាប់ការចូលប្រើដោយប៉ះតែម្ដងនូវទិសដៅត្រីវិស័យ សម្ពាធបរិយាកាស និងរយៈកម្ពស់ ព្រមទាំងអេក្រង់ LCD ពីរជាន់សម្រាប់បង្ហាញត្រីវិស័យជាទម្រង់ក្រាហ្វិក។
PRG-40
បំពាក់ដោយប៊ូតុងសិនស័រដោយផ្ទាល់ អេក្រង់ LCD ពីរជាន់ និងការវាស់រយៈកម្ពស់រហូតដល់ 10,000 ម៉ែត្រ
2002
ការដាក់បញ្ចូលមុខងារសាកថ្មដើរដោយថាមពលពន្លឺព្រះអាទិត្យ
ផ្ដល់ដំណើរការកម្រិតខ្ពស់យូរអង្វែងដែលអាចទុកចិត្តបាន
ខណៈដែលមុខងារដូចជា សិនស័របីគ្រាន់ និងអេក្រង់ LCD ធំជាដើម ផ្ដល់នូវមុខងារដ៏ល្អឥតខ្ចោះ មុខងារទាំងនេះក៏ប្រើប្រាស់ថាមពលយ៉ាងច្រើនផងដែរ ដែលបង្កជាក្ដីបារម្ភអំពីការផ្លាស់ប្ដូរថ្ម និងការថែទាំ ដូចជាតម្រូវការសម្រាប់ការធ្វើតេស្តភាពធន់មិនងាយជ្រាបទឹកតាមកាលកំណត់ជាដើម។ ដើម្បីដោះស្រាយបញ្ហានេះ ម៉ូដែល PRG-50 បានណែនាំប្រព័ន្ធថាមពល Tough Solar ដោយប្រើប្រាស់ពន្លឺព្រះអាទិត្យសម្រាប់ផ្ដល់ថាមពលដែលអាចទុកចិត្តបានក្នុងអំឡុងពេលធ្វើសកម្មភាពនៅខាងក្រៅ។ ប្រព័ន្ធសិនស័របីគ្រាប់កំណែ 2 ដែលទើបអភិវឌ្ឍថ្មី ត្រូវបានរចនាឡើងសម្រាប់ការប្រើប្រាស់ថាមពលពន្លឺព្រះអាទិត្យ ដោយធានាបាននូវប្រតិបត្តិការប្រកបដោយស្ថិរភាពនៃមុខងារជាច្រើនរបស់នាឡិកាដោយប្រើប្រាស់ថាមពលតិចតួចបំផុត។
PRG-50
បំពាក់ប្រព័ន្ធសាកថ្មពន្លឺព្រះអាទិត្យ Tough Solar និងសិនស័របីគ្រាប់កំណែ 2
បច្ចេកវិទ្យាត្រូវបានអភិវឌ្ឍសម្រាប់នាឡិកា PRO TREK
សិនស័របីគ្រាប់កំណែ 2
កំណែថ្មីដែលត្រូវបានបង្កើនប្រសិទ្ធភាពសម្រាប់ការដំណើរការដើរដោយថាមពលពន្លឺព្រះអាទិត្យ
ការរួមបញ្ចូលប្រព័ន្ធ Tough Solar ដែលជាប្រព័ន្ធសាកថ្មដើរដោយថាមពលពន្លឺព្រះអាទិត្យដើមដែលបង្កើតឡើងដោយ Casio បានអនុញ្ញាតឱ្យទិន្នន័យសិនស័រត្រូវបានដំណើរការដោយប្រើប្រាស់ថាមពលពន្លឺព្រះអាទិត្យតែមួយមុខប៉ុណ្ណោះ។ ជាមួយនឹងការអភិវឌ្ឍប្រព័ន្ធសិនស័របីគ្រាប់ថ្មីដែលប្រើប្រាស់ថាមពលតិច ភាពជាក់លាក់នៃការវាស់ស្ទង់ក៏ត្រូវបានបង្កើនប្រសិទ្ធភាពផងដែរ។ ឧទាហរណ៍ ការកែលម្អលទ្ធភាពចាប់ដឹងនៃសិនស័រម៉ាញ៉េទិក និងសិនស័រសម្ពាធក៏ត្រូវបានធ្វើឱ្យកាន់តែតូចជាងមុន។
2003
PRG-60
ការប្រើប្រាស់ចលនាអាណាឡុកលើកដំបូងនៅលើនាឡិកាដែលប្រើសិនស័របីគ្រាប់
2005
ការរួមបញ្ចូលមុខងារគ្រប់គ្រងដោយរលកវិទ្យុ និងថាមពលពន្លឺព្រះអាទិត្យ
ការកំណត់ពេលវេលាប្រកបដោយភាពត្រឹមត្រូវជាមួយនឹងភាពជឿជាក់ និងភាពងាយស្រួលបន្ថែមទៀត
Casio បានណែនាំនាឡិកាដែលគ្រប់គ្រងដោយរលកវិទ្យុលើកដំបូងរបស់ខ្លួនក្នុងឆ្នាំ 1995 ហើយការដាក់បញ្ចូលមុខងារនេះទៅក្នុងនាឡិកា PRO TREK ត្រូវបានគេទន្ទឹងរង់ចាំជាយូរមកហើយ។ តាមរយៈការប្រើប្រាស់រលកវិទ្យុពេលវេលាស្តង់ដាសម្រាប់ការក្រិតពេលវេលាដោយស្វ័យប្រវត្តិ មុខងារនេះធានានូវការកំណត់ពេលវេលាដ៏ច្បាស់លាស់ (ដែលជាកង្វល់សំខាន់ក្នុងការឡើងភ្នំ) និងលុបបំបាត់នូវតម្រូវការសម្រាប់ការកែតម្រូវដោយដៃ ដោយផ្ដល់នូវភាពងាយស្រួលកាន់តែច្រើនសម្រាប់សកម្មភាពនៅខាងក្រៅ។ ដំបូងឡើយ ការរំខានដល់សិនស័រចាប់ទិសដៅត្រីវិស័យពីអង់តែនម៉ាញ៉េទិកបានបង្កបញ្ហាប្រឈម ប៉ុន្តែបញ្ហានេះត្រូវបានដោះស្រាយតាមរយៈការដាក់អង់តែននៅខាងក្នុងតួនាឡិកាវិញ។ PRW-1000 គឺជាម៉ូដែលដំបូងគេដែលរួមបញ្ចូលគ្នានូវភាពត្រឹមត្រូវដែលគ្រប់គ្រងដោយរលកវិទ្យុជាមួយនឹងបច្ចេកវិទ្យាដើរដោយថាមពលពន្លឺព្រះអាទិត្យ ដោយកាត់បន្ថយការកំណត់ពេលវេលា និងតម្រូវការសម្រាប់ការផ្លាស់ប្ដូរថ្ម។ វាបានណែនាំមុខងារជាក់ស្ដែង និងភាពទំនើបនៃឧបករណ៍ប្រើប្រាស់នៅខាងក្រៅតាមបែបថ្មី។
PRW-1000
បំពាក់ប្រព័ន្ធគ្រប់គ្រងដោយរលកវិទ្យុ និងមុខងារសាកថ្ម Tough Solar
2007
ការរចនារាងកាន់តែតូចច្រឡឹង
សម្រេចបាននូវការរចនាសមល្មមដែលមិនរំខានចលនាកដៃ
ការជួបជាមួយលោក Hirotaka Takeuchi ដែលអ្នកឡើងភ្នំដ៏ល្បីល្បាញ បន្ទាប់ពីការអភិវឌ្ឍម៉ូដែល PRW-1000 បានក្លាយជាចំណុចរបត់ដ៏សំខាន់មួយក្នុងការវិវឌ្ឍម៉ូដែល PRO TREK នេះ។ លោក Takeuchi បានរាយការណ៍ថា ក្នុងអំឡុងពេលធ្វើតេស្តជាក់ស្ដែងនៅភ្នំមាល័យ គាត់បានជ្រើសរើសមិនពាក់នាឡិកានោះទេ ដោយសារតែមានអារម្មណ៍ថា សំពីងសំពោងនៅលើកដៃរបស់គាត់។ មតិកែលម្អនេះបានដាស់តឿនការប្ដេជ្ញាចិត្តរបស់ក្រុមអ្នកអភិវឌ្ឍន៍ក្នុងការបង្កើតការរចនារូបរាងកាន់តែស្ដើងដែលនឹងមិនរំខានចលនាកដៃ មិនថានៅលើកំពូលភ្នំព្រិល ឬអំឡុងពេលឡើងផ្ទាំងថ្មនោះទេ។ ជាមួយនឹងការសាកល្បង និងកំហុសជាច្រើនលើកច្រើនសារ ពួកគេបានបន្ថយកម្រាស់របស់តួនាឡិកាដោយបង្កើតម៉ូឌុលស្ដើងជាងមុន តាមរយៈការប្រើប្រាស់បច្ចេកវិទ្យាម៉ោនដង់ស៊ីតេខ្ពស់របស់ Casio។ លទ្ធផលគឺម៉ូដែល PRW-1300 ដែលត្រូវបានដាក់ឱ្យដំណើរការក្នុងឆ្នាំ 2007 ក្នុងនាមជាឧបករណ៍ប្រើប្រាស់ខាងក្រៅដែលកាន់តែមានភាពល្អឥតខ្ចោះ និងមានប្រយោជន៍។
PRW-1300
តួនាឡិកាស្ដើងជាងមុនសម្រេចបានដោយបច្ចេកវិទ្យាម៉ោនដង់ស៊ីតេខ្ពស់
2008
PRW-1500
ធន់មិនងាយជ្រាបទឹករហូតដល់ 200 ម៉ែត្រ ផ្ដល់នូវលក្ខណៈបច្ចេកទេសតាមស្តង់ដាកីឡាលើទឹក
2009
ខ្សែស្រឡាយ MANASLU ដ៏ល្បីល្បាញត្រូវបានបង្កើតឡើង
ខ្សែស្រឡាយដែលកំណត់ទិសដៅសម្រាប់កំពូលភ្នំខ្ពស់បំផុត
ក្នុងឆ្នាំ 2009 ខ្សែស្រឡាយលំដាប់កំពូល MANASLU នៃនាឡិកា PRO TREK បានបង្ហាញខ្លួនជាលើកដំបូង ដោយដាក់ឈ្មោះតាមកំពូលភ្នំនៃជួរភ្នំហិមាល័យដែលមានកម្ពស់ 8,000 ម៉ែត្រ ដែលទូតសុឆន្ទៈម៉ាកលោក Hirotaka Takeuchi បានឡើងដល់។ ការអភិវឌ្ឍនាឡិកា MANASLU លើកដំបូងនេះឡើងបាននាំមកនូវបញ្ហាប្រឈមថ្មីមួយ៖ ការដាក់បញ្ចូលឡើងវិញនូវអេក្រង់ LCD ពីរជាន់ដែលធ្លាប់ត្រូវបានដកចេញ ដើម្បីសម្រេចបាននូវការរចនារូបរាងស្ដើងជាងមុននៅក្នុងម៉ូដែលមុនៗ។ ចាប់ផ្ដើមពីដំបូង ក្រុមការងារបានរួមបញ្ចូលដោយជោគជ័យនូវបច្ចេកវិទ្យាដើរដោយថាមពលពន្លឺព្រះអាទិត្យដែលគ្រប់គ្រងដោយរលកវិទ្យុ ខណៈពេលដែលរក្សាបាននូវទម្រង់ស្ដើងរលោង។ ទីក្រុង Kathmandu ដែលជាមជ្ឈមណ្ឌលសំខាន់សម្រាប់អ្នកឡើងភ្នំហិមាល័យ ត្រូវបានបញ្ចូលទៅក្នុងការកំណត់ជាមុននៅក្នុងម៉ោងពិភពលោក។ ដោយដំឡើងនៅខ្សែសង្វាក់ផលិតកម្មលំដាប់ Premium របស់រោងចក្រ Yamagata Casio សម្រាប់ម៉ូដែលលំដាប់ខ្ពស់ ម៉ូដែល PRX-2000T រួមបញ្ចូលគ្នានូវលក្ខណៈបច្ចេកទេសដ៏ល្អឥតខ្ចោះជាមួយនឹងការរចនាលោហៈដ៏ប្រណិត ដែលផ្ដល់ជូនទាំងមុខងារប្រើប្រាស់ និងសិល្បៈហត្ថកម្មដ៏ល្អឯក។
PRX-2000T
នាឡិកាដំបូងនៃខ្សែស្រឡាយ MANASLU ដ៏ល្បីល្បាញ៖ ដោះស្រាយបញ្ហាប្រឈមនៃការឡើងកំពូលភ្នំកម្ពស់ 8,000 ម៉ែត្រ
MANASLU
ដាក់ឈ្មោះតាមកំពូលភ្នំក្នុងរឿងព្រេងនិទាន
ភ្នំ Manaslu ដែលមានកម្ពស់ 8,163 ម៉ែត្រពីលើនីវ៉ូទឹកសមុទ្រ គឺជាកំពូលភ្នំមួយក្នុងចំណោមកំពូលភ្នំទាំង 14 នៅលើផែនដីដែលមានកម្ពស់លើសពី 8,000 ម៉ែត្រ ហើយត្រូវបានគេស្គាល់ថាជា “ភ្នំនៃវិញ្ញាណ”។ ភាពជោគជ័យក្នុងការឡើងកំពូលភ្នំលើកដំបូងដោយក្រុមជនជាតិជប៉ុន ដែលដឹកនាំដោយលោក Aritsune Maki ក្នុងឆ្នាំ 1956 នៅតែជាប្រវត្តិសាស្ត្រដ៏អស្ចារ្យ។ ខ្សែស្រឡាយ PRO TREK ដ៏ល្បីល្បាញត្រូវបានដាក់ឈ្មោះថា Manaslu ដើម្បីជាការគោរពចំពោះស្នាដៃដ៏ក្លាហាននេះ។
2010
PRW-5000
អេក្រង់អាណាឡុកដែលបង្ហាញពីទិន្នន័យសិនស័រ
2011
PRX-2500T
ម៉ូដែល Manaslu ដែលមានភាពធន់មិនងាយជ្រាបទឹករហូតដល់ 200 ម៉ែត្រ
2012
អេក្រង់អាណាឡុកទ្រនិចបួន
បន្ថែមទ្រនិចនាឡិកាថ្មីជាពិសេសសម្រាប់ប្រើជាឧបករណ៍ប្រើប្រាស់នៅខាងក្រៅ
អេក្រង់អាណាឡុកនៅលើម៉ូដែល PRW-5000 ដែលបានចេញលក់នៅឆ្នាំ 2010 បានអនុញ្ញាតឱ្យអ្នកប្រើប្រាស់ចាប់យកទាំងពេលវេលាដែលបានកន្លងផុតទៅ និងពេលវេលាដែលនៅសល់យ៉ាងឆាប់រហ័សតាមរយៈទីតាំងនៃទ្រនិចនាឡិកា។ ដោយផ្អែកលើសក្ដានុពលនៃអេក្រង់អាណាឡុកនេះ Casio បានណែនាំម៉ូដែល PRX-7000T ដែលជានាឡិកាដែលមានអេក្រង់អាណាឡុកពេញ ដែលមិនត្រឹមតែបង្ហាញពេលវេលាប៉ុណ្ណោះទេ ថែមទាំងបង្ហាញទិន្នន័យសិនស័រ រួមទាំងទិសដៅត្រីវិស័យ ដែលធ្វើឱ្យវាក្លាយជាឧបករណ៍ដ៏ពូកែសម្រាប់អ្នកផ្សងព្រេងនៅខាងក្រៅ។ នៅថ្ងៃទី 26 ខែឧសភា ឆ្នាំ 2012 នាឡិកានេះបានអមដំណើរជាមួយលោក Hirotaka Takeuchi ទៅកាន់កំពូលភ្នំ Dhaulagiri ជាទីដែលលោកបានក្លាយជាអ្នកឡើងភ្នំជនជាតិជប៉ុនដំបូងគេដែលបានឡើងដល់លើកំពូលភ្នំទាំង 14 លើពិភពលោកដែលមានកម្ពស់លើសពី 8,000 ម៉ែត្រ។ ម៉ូដែល PRX-7000T បានសម្គាល់ពេលវេលានៃសមិទ្ធផលប្រវត្តិសាស្ត្ររបស់លោក ដោយពង្រឹងតួនាទីរបស់វាជាឧបករណ៍ដែលអាចទុកចិត្តបានក្នុងការធ្វើដំណើររបស់អ្នកឡើងភ្នំ។
ម៉ូដែល PRW-5000 បានចេញលក់នៅឆ្នាំ 2010៖ នាឡិកា PRO TREK ដំបូងគេដែលមានអេក្រង់អាណាឡុកដែលបង្ហាញពីតម្លៃសិនស័រ
PRX-7000T
នាឡិកា PRO TREK ដំបូងគេដែលមានអេក្រង់អាណាឡុកទ្រនិចបួន
2013
ការធ្វើឱ្យភាពជាក់លាក់របស់សិនស័រប្រសើរឡើង
ផ្ដល់នូវការកែលម្អបន្ថែមទៀតដល់ភាពត្រឹមត្រូវនៃការវាស់ស្ទង់
ឆ្លើយតបទៅនឹងការទាមទារពីក្រុមអ្នកជំនាញឡើងភ្នំ ដូចជាទូតសុឆន្ទៈម៉ាកលោក Hirotaka Takeuchi ព្រមទាំងក្រុមជួយសង្គ្រោះដែលធ្វើការក្នុងបរិស្ថានភ្នំដ៏លំបាកជាដើម ក្រុមអ្នកអភិវឌ្ឍន៍ PRO TREK បានផ្ដោតសំខាន់លើការផ្ដល់នូវភាពត្រឹមត្រូវនៃការវាស់វែងរយៈកម្ពស់កាន់តែខ្ពស់ថែមទៀត។ ប្រព័ន្ធសិនស័របីគ្រាប់កំណែ 3 ដែលទើបអភិវឌ្ឍថ្មី បានបង្កើនភាពងាយស្រួលនៃការប្រើប្រាស់នៅខាងក្រៅ ដោយមានការវាស់រយៈកម្ពស់ 1 ម៉ែត្រ សម្រាប់ទិន្នន័យលម្អិតបន្ថែមទៀតអំពីបម្រែបម្រួលរយៈកម្ពស់ ព្រមទាំងការវាស់ស្ទង់ទិសដៅត្រីវិស័យបន្តរយៈពេល 60 វិនាទី ដើម្បីជួយអ្នកប្រើប្រាស់ឱ្យដឹងពីបរិយាកាសជុំវិញខ្លួន។ ម៉ូឌុលនេះក៏ត្រូវបានបង្រួមឱ្យតូចជាងមុនផងដែរ ដែលទម្រង់ស្ដើង និងតូចជាងមុននេះ នឹងមិនវំខានចលនាកដៃឡើយ។ ម៉ូដែល PRW-3000 តំណាងឱ្យការវិវត្តដ៏ទូលំទូលាយ ដោយផ្ដល់នូវការពង្រឹងផ្នែកបច្ចេកទេស និងភាពសមល្មមប្រកបដោយផាសុកភាពជាងមុន។
PRW-3000
ទំហំតូចច្រឡឹងដែលបំពាក់ជាមួយសិនស័របីគ្រាប់កំណែ 3
បច្ចេកវិទ្យាត្រូវបានអភិវឌ្ឍសម្រាប់នាឡិកា PRO TREK
សិនស័របីគ្រាប់កំណែ 3
ការបង្រួមទំហំយ៉ាងខ្លាំង និងការបង្កើនភាពជាក់លាក់
ការកែលម្អជាលើកទីពីរចំពោះបច្ចេកវិទ្យាសិនស័របីគ្រាប់ បាននាំមកនូវសិនស័រម៉ាញ៉េទិកដែលទើបបានអភិវឌ្ឍថ្មី តូចជាងសិនស័រមុនដល់ទៅ 95% រួមជាមួយនឹងសិនស័រសម្ពាធដែលមានភាពត្រឹមត្រូវកាន់តែប្រសើរ។ ការរួមបញ្ចូលគ្នានេះ រួមទាំងសៀគ្វីរួមបញ្ចូលគ្នានៃសិនស័រដើមរបស់ Casio បានផ្ដល់នូវការកែលម្អយ៉ាងសំខាន់ចំពោះមុខងារសិនស័របីគ្រាប់ រួមទាំងការវាស់រយៈកម្ពស់ 1 ម៉ែត្រ និងការវាស់ស្ទង់ទិសដៅត្រីវិស័យបន្តរយៈពេល 60 វិនាទី។
2014
PRW-6000
ការរួមបញ្ចូលគ្នារវាងអាណាឡុក-ឌីជីថលភ្ជាប់មកជាមួយនឹងសិនស័របីគ្រាប់កំណែ 3
2015
PRW-3500
សិនស័របីគ្រាប់កំណែ 3 + ភាពធន់មិនងាយជ្រាបទឹករហូតដល់ 200 ម៉ែត្រ
2015
គុណភាពកម្រិតអាជីព
ក្នុងការស្វែងរកភាពស្រស់ស្អាតនៃមុខងារដ៏អស្ចារ្យបំផុត
ក្រោមការត្រួតពិនិត្យរបស់លោក Hirotaka Takeuchi ដែលជាអ្នកឡើងភ្នំជនជាតិជប៉ុនដំបូងគេដែលឡើងដល់កំពូលភ្នំទាំង 14 លើពិភពលោកដែលមានកម្ពស់ជាង 8,000 ម៉ែត្រ នាឡិកាថ្មីដែលមានលក្ខណៈបច្ចេកទេសដែលប្រសើរឡើង និងគុណភាពរួមដែលត្រូវបានប្រើនៅលើខ្សែស្រឡាយ MANASLU ឥឡូវនេះបានបង្កើតជាម៉ូដែលលំដាប់កំពូលរបស់ម៉ាក PRO TREK យ៉ាងរឹងមាំ។ ម៉ូដែល PRX-8000T មានមុខរំលេចពណ៌ខ្ពស់ធំទូលាយសម្រាប់បង្កភាពងាយស្រួលក្នុងការមើលនៅក្នុងស្ថានភាពលំបាកៗ ជាមួយនឹងកញ្ចក់ត្បូងកណ្ដៀង និងកងមុខនាឡិកាលោហៈសម្រាប់ការប្រើប្រាស់បានយូរអង្វែង។ ជំរុញដោយការផ្ដោតអារម្មណ៍របស់លោក Takeuchi លើភាពងាយស្រួលពាក់ នាឡិកានេះរួមបញ្ចូលគន្លឹះកិបបត់ដែលអាចងាយស្រួលក្នុងការលៃតម្រូវទោះបីជាពាក់ស្រោមដៃក៏ដោយ។ ថ្នាំកូតសារធាតុទីតានីញ៉ូមកាបូនីត និងកាបូនដូចពេជ្រ (DLC) នៅលើសមាសធាតុលោហៈបានបន្ថែមផ្ទៃរចនាបែបឆើតឆាយ ដែលធ្វើឱ្យម៉ូដែល MANASLU នេះក្លាយជានាឡិកាដែលមានដំណើរការខ្ពស់បំផុត និងទំនើបទាន់សម័យនៅក្នុងខ្សែស្រឡាយនេះ។
PRX-8000T
MANASLU បំពាក់ដោយសិនស័របីគ្រាប់កំណែ 3
ទូតសុឆន្ទៈរបស់នាឡិកា PRO TREK
អ្នកឡើងភ្នំអាជីព
Hirotaka Takeuchi
បទពិសោធផ្ទាល់ពីអ្នកឡើងភ្នំដែលបានឡើងដល់កំពូលភ្នំកម្ពស់ 8,000 ម៉ែត្រទាំង 14 ភ្នំ ជាមូលដ្ឋាននៃការរចនាម៉ូដែល Manaslu ឡើង
លោក Takeuchi ជាអ្នកឡើងភ្នំអាជីពម្នាក់ដ៏ល្បីល្បាញដោយសាររបៀបឡើងភ្នំរបស់គាត់មិនពឹងផ្អែកលើឧបករណ៍ជំនួយខាងក្រៅច្រើន ឡើងជាក្រុមតូចៗ និងមានសម្ភារៈបំពាក់ស្រាលៗ។ ដោយធ្វើជាទូតសុឆន្ទៈរបស់ PRO TREK តាំងពីឆ្នាំ 2004 គាត់បានជួយក្នុងការអភិវឌ្ឍម៉ូដែល PRO TREK សំខាន់ៗក្នុងអំឡុងពេលនេះ។ លោកបានផ្ដល់មតិកែលម្អយ៉ាងទូលំទូលាយលើមុខងាររបស់ម៉ូដែល Manaslu ដោយផ្អែកលើអ្វីដែលលោកត្រូវការនៅពេលឡើងកំពូលភ្នំដែលមានកម្ពស់ 8,000 ម៉ែត្រ។ តាមរយៈការឡើងភ្នំរបស់លោក Takeuchi ដែលមានចិត្តអង់អាច នាឡិកា PRO TREK បន្តវិវឌ្ឍតាមរបៀបពិសេសរបស់ខ្លួនក្នុងនាមជាម៉ាកឧបករណ៍ប្រើប្រាស់នៅខាងក្រៅដ៏សំខាន់ និងមានប្រយោជន៍ពិតប្រាកដ។
2016
PRW-7000
ត្រីវិស័យឌីជីថលជាមួយនឹងមុខងារផ្ដល់កម្រិតលៃសម្រួលដោយស្វ័យប្រវត្តិ
2017
WSD-F20
នាឡិកាឆ្លាតវៃ PRO TREK ដំបូងគេ
2018
PRW-60
ការរួមបញ្ចូលគ្នានៃអាណាឡុក-ឌីជីថលដែលបានបង្រួមខ្លួនតូចច្រឡឹង
ទូតសុឆន្ទៈរបស់នាឡិកា PRO TREK
អ្នកឡើងភ្នំ
Yasuhiro Hanatani
ការផ្ដោតសំខាន់យ៉ាងខ្លាំងលើអត្ថប្រយោជន៍ និងការរចនា
ពីលំនៅរបស់លោកនៅភ្នំ Kaikomagatake ជាកន្លែងដែលលោកធ្វើការជាមគ្គុទ្ទេសក៍ភ្នំ លោក Hanatani បំពេញសកម្មភាពទាំងនៅក្នុងប្រទេសជប៉ុន និងក្រៅប្រទេស។ ម៉ូដែល PRW-60 ដែលជានាឡិកាដែលមានតួនាឡិកាស្ដើងគួរឱ្យកត់សម្គាល់ដែលបំពាក់ជាមួយសិនស័របីគ្រាប់ដែលរំលេចនូវអេក្រង់អាណាឡុកបែបសម្រស់ទីក្រុង ឆ្លុះបញ្ចាំងពីការផ្ដោតសំខាន់របស់លោក Hanatani លើអត្ថប្រយោជន៍ និងការរចនា។
2019
PRT-B50
សិនស័របួនគ្រាប់ (ម៉ាញ៉េទិក សម្ពាធ សីតុណ្ហភាព និងឧបករណ៍វាស់ល្បឿន) + Mobile Link
2020
PRW-30
ងាយស្រួលអាន ងាយស្រួលប្រើ រាងតូចច្រឡឹង
ទូតសុឆន្ទៈរបស់នាឡិកា PRO TREK
អ្នកប្រណាំងបែបផ្សងព្រេង
Masato Tanaka
ការវាស់ស្ទង់ដែលមានភាពជាក់លាក់ដែលអនុញ្ញាតដល់សកម្មភាពច្បាស់លាស់
លោក Tanaka ដែលជាអ្នកដឹកនាំរបស់ប្រទេសជប៉ុនក្នុងកីឡាប្រណាំងបែបផ្សងព្រេង មានកំណត់ត្រាជោគជ័យយូរអង្វែងក្នុងការប្រកួតអន្តរជាតិជាច្រើន។ មុខងារឧបករណ៍វាស់រយៈកម្ពស់ចន្លោះពេលមួយវិនាទី មួយម៉ែត្រ អង្គចងចាំទិសដៅ និងបច្ចេកវិទ្យាផ្សេងទៀតរបស់ម៉ូដែល PRW-30 ត្រូវបានប្រើប្រាស់ បន្ទាប់ពីបានសាកល្បងក្នុងការប្រណាំងជាច្រើនរបស់លោក Tanaka។
2020
PRX-8025HT
ម៉ូដែល Manaslu គម្រប់ខួបលើកទី 25 របស់នាឡិកា PRO TREK
2022
សិប្បកម្មដែលគិតដល់ធម្មជាតិ
ម៉ាកនាឡិកាបែបរចនាបថខាងក្រៅដែលដើរទាន់សម័យកាល
នៅឆ្នាំ 2022 នាឡិកា PRO TREK បានបន្ថែមការផ្តោតសំខាន់លើការជំរុញទំនាក់ទំនងកាន់តែស៊ីជម្រៅជាមួយធម្មជាតិ។ នេះរួមបញ្ចូលទាំងការអភិវឌ្ឍនាឡិកាដែលមានសមាសធាតុជ័រសំខាន់ៗ ដែលផលិតពីវត្ថុធាតុដើមបែបជីវសាស្រ្តកកើតឡើងវិញពីប្រភពរុក្ខជាតិ និងការពង្រីកខ្សែស្រឡាយនៃម៉ូដែលដែលបំពាក់ដោយបច្ចេកវិទ្យា Tough Solar ដើម្បីប្រើប្រាស់ថាមពលពន្លឺព្រះអាទិត្យធម្មជាតិសម្រាប់ប្រើជាថាមពល។ ដោយទទួលយកវិធីសាស្រ្តដែលគិតគូរពីធម្មជាតិ ពាក្យស្លោករបស់ PRO TREK ក៏ត្រូវបានកែប្រែពី “Feel the Field” ទៅជា “One with Nature” ដែលសម្គាល់ការកកើតថ្មីក្នុងនាមជាម៉ាករចនាបថខាងក្រៅ ដែលប្ដេជ្ញាជួយអ្នកប្រើប្រាស់ឱ្យទទួលបានបទពិសោធដ៏រីករាយ និងថែរក្សាធម្មជាតិពិភពលោកដ៏ស្រស់ត្រកាល។
2022
ការប្រើប្រាស់ជ័របែបជីវសាស្រ្តដំបូងគេ
នាំរបៀបរស់នៅខាងក្រៅទៅកាន់ទិសដៅវិជ្ជមាន
ម៉ូដែល PRW-61 នៅតែរក្សានូវលក្ខណៈពិសេសដ៏អស្ចារ្យនៅខាងក្រៅរបស់ PRO TREK ដូចជា សិនស័របីគ្រាប់ មុខងារគ្រប់គ្រងដោយរលកវិទ្យុ និងថាមពលពន្លឺព្រះអាទិត្យ ព្រមទាំងផលិតតួនាឡិកា ខ្សែ និងខ្នងតួនាឡិកាដោយប្រើជ័របែបជីវសាស្រ្ត ដែលជាវត្ថុធាតុដែលត្រូវបានគេរំពឹងថានឹងជួយកាត់បន្ថយផលប៉ះពាល់បរិស្ថាន។ ការរីកចម្រើននេះបានគូសបញ្ជាក់ពីទំនាក់ទំនងយ៉ាងស៊ីជម្រៅជាមួយធម្មជាតិ ដែលចាំបាច់សម្រាប់ឧបករណ៍ប្រើប្រាស់នៅខាងក្រៅណាមួយ។ ដោយរចនាឡើងដោយមានទំហំតូចច្រឡឹងដែលស័ក្ដិសមជាមួយកដៃទាំងឡាយ នាឡិកានេះរួមបញ្ចូលនូវមុខងារដ៏រឹងមាំជាមួយនឹងរចនាបថបែបសហសម័យ ដែលធ្វើឱ្យវាកាន់តែល្អឥតខ្ចោះសម្រាប់ទាំងការផ្សងព្រេងនៅខាងក្រៅ និងបរិយាកាសនៅទីក្រុង។ ម៉ូដែល PRW-61 បានក្លាយជាម៉ូដែលបែបបុរាណថ្មីសម្រាប់អ្នកដែលរស់នៅ និងរីករាយជាមួយនឹងជីវិតនៅខាងក្រៅតាមរបៀបរស់នៅពិសេសផ្ទាល់ខ្លួន។
PRW-61
នាឡិកា PRO TREK ដំបូងគេដែលផលិតចេញពីជ័របែបជីវសាស្ត្រ
បច្ចេកវិទ្យាត្រូវបានអភិវឌ្ឍសម្រាប់នាឡិកា PRO TREK
ជ័របែបជីវសាស្រ្ត
វត្ថុធាតុដែលត្រូវបានគេរំពឹងថានឹងជួយកាត់បន្ថយផលប៉ះពាល់បរិស្ថាន
ដោយផលិតចេញពីធនធានសរីរាង្គដែលអាចកកើតឡើងវិញ ជ័របែបជីវសាស្រ្ដកំពុងទាក់ទាញការចាប់អារម្មណ៍ថាជាវត្ថុធាតុមួយដែលត្រូវបានគេទទួលស្គាល់យ៉ាងទូលំទូលាយថា ជួយកាត់បន្ថយផលប៉ះពាល់បរិស្ថានតាមរយៈការទប់ស្កាត់ការបំភាយឧស្ម័ន CO₂។ នាឡិកា PRO TREK ប្រើប្រាស់ជ័របែបជីវសាស្រ្ត ដែលផលិតចេញពីវត្ថុធាតុដើមដែលបានចម្រាញ់ចេញពីគ្រាប់ល្ហុងខ្ញែ និងពោត។
2022
PRW-3400
អេក្រង់ LCD ពីរជាន់ទំហំធំទូលាយ
ផលិតចេញពីជ័របែបជីវសាស្ត្រ
2022
PRW-6900
ទម្រង់ជ្រុងជាមួយរចនាបថបែបខាងក្រៅ
2023
PRW-61FC
ខ្សែនាឡិកាដែលប្រើសមាសធាតុខាងក្រៅផលិតចេញពីជ័របែបជីវសាស្ត្រ
2023
PRW-35
ទម្រង់តូចសមល្មមដែលប្រើប្រាស់ជ័របែបជីវសាស្ត្រ
2023
PRW-61LD
មុខនាឡិកាគ្រីស្តាល់ពន្លឺព្រះអាទិត្យពេញអេក្រង់ដែលផលិតពីជ័របែបជីវសាស្ត្រ
2024
PRW-61NJ
ការសហការជាមួយសមាគមអភិរក្សធនធានធម្មជាតិរបស់ប្រទេសជប៉ុន
2024
ការប្រើប្រាស់វត្ថុធាតុកែច្នៃ
ដំណើររុករកជម្រើសថ្មីប្រកបដោយចីរភាព
ម៉ូដែល PRG-340SC មានលក្ខណៈខ្សែនាឡិកាពិសេស Dura Soft ដែលមានផាសុកភាពខ្ពស់ និងផលិតពីជ័រកែច្នៃ។ សំណល់ពីការផលិតផលិតផលជ័រត្រូវបានកិនជាបន្ទះតូចៗ ច្របាច់ចូលទៅក្នុងស៊ីលីកូន រួចបំប្លែងទៅជាវាយនភាពមានលំនាំប្លែកដ៏រស់រវើកដែលរំលេចនូវភាពស្រស់ស្អាតរឹងមាំនៃថ្ម និងខ្សាច់។ កងមុខនាឡិកា តួនាឡិកា និងខ្នងតួនាឡិកាត្រូវបានផលិតដោយជ័របែបជីវសាស្រ្ត បង្ហាញពីការប្ដេជ្ញាចិត្តចំពោះការរក្សាបរិស្ថានប្រកបដោយចីរភាព។ ជាមួយនឹងមុខងារសិនស័របីគ្រាប់សម្រាប់តាមដានស្ថានភាពធម្មជាតិ និងប្រព័ន្ធសាកថ្ម Tough Solar ដែលបំប្លែងថាមពលពន្លឺព្រះអាទិត្យ និងប្រភពក្នុងផ្ទះទៅជាថាមពល នាឡិកានេះជួយអ្នកប្រើប្រាស់ឱ្យរីករាយ និងភ្ជាប់ទំនាក់ទំនងជាមួយធម្មជាតិតាមរយៈវត្ថុធាតុ និងលក្ខណៈពិសេសដែលបានបង្កើតឡើងសម្រាប់ឧបករណ៍នៅខាងក្រៅយ៉ាងពិតប្រាកដ។
PRG-340SC
ខ្សែនាឡិកាផលិតឡើងពីវត្ថុធាតុដើមជ័រស៊ីលីកូនដែលប្រើឡើងវិញ
2024
PRW-61SS
ម៉ូដែលគម្រប់ខួបលើកទី 50 របស់នាឡិកា CASIO
2024
PRJ-B001
ខ្សែស្រឡាយក្រុមអ្នកឡើងភ្នំដែលមានមុខងារ Mobile Link ភ្ជាប់មកស្រាប់
2024
PRW-6900ZE
ម៉ូដែលគម្រប់ខួបលើកទី 50 របស់នាឡិកា CASIO
2025
លើកតម្កើងទំនាក់ទំនងជាមួយមនុស្ស និងធម្មជាតិ
ឧបករណ៍ប្រើប្រាស់នៅខាងក្រៅដែលប្តេជ្ញាចិត្តចំពោះការវិវត្តឥតឈប់ឈរ
ម៉ូដែល PRG-340B ផលិតពីជ័របែបជីវសាស្ត្រនៅក្នុងសមាសធាតុជ័រសំខាន់ៗ និង CASTLON® ដែលជាវត្ថុធាតុនីឡុងដែលផលិតពីរុក្ខជាតិ 100% សម្រាប់ខ្សែនាឡិកាក្រណាត់។ ខ្សែនាឡិកានេះត្រូវបានស្រោបដោយសារធាតុធន់នឹងភ្លើង ដែលធ្វើឱ្យវាអាចទប់ទល់នឹងស្នាមរលាកពីកម្ទេចផ្កាភ្លើងនៃភ្នក់ភ្លើងបោះជំរុំ។ ជាមួយនឹងការរចនា និងពណ៌ដែលសម្រិតសម្រាំងសម្រាប់ឧបករណ៍ប្រើប្រាស់នៅខាងក្រៅ និងការផ្ដោតសំខាន់លើវត្ថុធាតុដែលមិនប៉ះពាល់ដល់បរិស្ថាន នាឡិកានេះបង្កប់នូវការប្ដេជ្ញាចិត្ត “One with Nature” របស់ PRO TREK។ គិតមកដល់ពេលដែល PRO TREK ប្រារព្ធពិធីគម្រប់ខួបលើកទី 30 របស់ខ្លួន នាឡិកានេះបានគូសបញ្ជាក់ពីការវិវត្តដែលកំពុងបន្តរបស់ម៉ាក និងការប្ដេជ្ញាចិត្តក្នុងការជំរុញទំនាក់ទំនងយ៉ាងស៊ីជម្រៅជាមួយទាំងមនុស្ស និងធម្មជាតិ។
* CASTLON® គឺជាពាណិជ្ជសញ្ញាដែលបានចុះបញ្ជីរបស់ក្រុមហ៊ុន Unitika Ltd.
PRG-340B
ខ្សែនាឡិកាផលិតដោយ CASTLON® ដែលចម្រាញ់ចេញពីរុក្ខជាតិ
2025
PRW-35LD
នាឡិកាឌីជីថល LCD ផូស្វ័រ