GA-2100RB-3A

G-SHOCK ដែលជាម៉ាកល្បីមួយ ផ្អែកលើភាពរឹងម៉ាំគ្មានគូ​ប្រៀបនេះ បានបន្តវិវឌ្ឍភាពធន់ និងដំណើរការរបស់ខ្លួន​ចាប់តាំងពីការដាក់លក់​នៅឆ្នាំ 1983 ដែលជានិមិត្តសញ្ញាដែលតំណាងឱ្យ​វប្បធម៌ពិតប្រាកដ ចាប់តាំងពីការចាប់ផ្តើមដំបូង។ តាមរយៈកេរ្តិ៍ដំណែលនេះ G-SHOCK បានភ្ជាប់ទំនាក់ទំនង​ជាមួយ Rich Brian ដែលជាដៃគូស្លាកយីហោដ៏គួរឱ្យគោរពម្នាក់​នៅ 88rising ដើម្បីបកស្រាយឡើងវិញអំពីនាឡិកាដែលជា​ជម្រើសរបស់គាត់។ នាឡិកាដែល Brian ពេញចិត្ត​គឺ GA-2100 ដ៏រឹងមាំ។ ការរចនា និងសោភ័ណភាពរបស់វាបានមកពីនាឡិកាផ្សេងទៀតនៅក្នុងត្រកូល G-SHOCK ហើយគេស្គាល់វាតាមរយៈកងរាងប្រាំបីជ្រុង និងការរចនាទំហំតូចបំផុតរបស់វា។ ការបកស្រាយឡើងវិញរបស់ Brian ត្រូវបានបំផុសគំនិតដោយហ្គីតា ដែលគាត់បានលង់ស្នេហ៍ជាខ្លាំង​កាលពីគាត់ជាក្មេងប្រុសម្នាក់​នៅប្រទេសឥណ្ឌូណេស៊ី។ ពណ៌គោលដែលមាន​ពណ៌បៃតងបែបពពុះទឹកសមុទ្រដិត ផ្គូផ្គងជាមួយនឹងការរំលេចពណ៌ផ្កាឈូកដូចសាច់​ត្រីសាម៉ុន​ ដែលជាការរំលឹកដល់ហ្គីតាដែល Brian បាន​ឈ្លក់វង្វេងកាលពីគាត់នៅកុមារ។ ដើម្បីបញ្ចប់ការរចនា ហត្ថលេខារបស់ Brian ធ្វើឱ្យ​ខ្នងប្រអប់កាន់តែមានភាពទាក់ទាញ ដែលស្ទើរតែ​ជាការរំលឹកដល់កុមារភាពរបស់គាត់ទាំងស្រុង​។ និយាយមួយបែប ការបកស្រាយឡើងវិញរបស់គាត់គឺជាការរំលឹកអំពីដើមកំណើត និងជាដំណើរតាមរក​ស្នាដៃជំនាញឥតឈប់ឈររបស់គាត់។ - Rich Brian ដោយ​ធំដឹងក្ដី​ឡើងតាមរយៈ​ការ​រៀនសូត្រនៅ​​ផ្ទះ​នៅក្នុង​ប្រទេសឥណ្ឌូណេ​ស៊ី លោក Rich Brian បានយក Internet ធ្វើជាគ្រូបង្រៀនភាសាអង់គ្លេសរបស់គាត់ និងជាឱកាសក្នុងការស្គាល់ពីពិភពលោក។ បន្ទាប់ពីផ្លាស់ទៅរស់នៅអាមេរិកតែម្នាក់ឯងនៅអាយុ 17 ឆ្នាំ Brian មានការស្ញប់ស្ញែង និងរៀនសូត្រ​​ពីជីវិតតាមរយៈ​បទពិសោធន៍របស់គាត់ ខណៈបទពិសោធន៍ទាំងនេះ​បានវាយបំបាក់ឱ្យគាត់ដួល ហើយក៏ជាអ្វីដែលជំរុញគាត់ឱ្យងើបឈរឡើងវិញផងដែរ​។ គម្រោងដំបូងរបស់ Brian Amen ដែលបានចេញផ្សាយក្នុងខែកុម្ភៈ ឆ្នាំ 2018 ទទួលបានការសាទរយ៉ាងច្រើនកុះករ និងបានឈរនៅលើកំពូលតារាង iTunes Hip-Hop ដែលជាតន្ត្រីករអាស៊ីដំបូងគេក្នុងប្រវត្តិសាស្ត្រ។ ឆ្នាំ 2021 បានក្លាយជាឆ្នាំជោគជ័យសម្រាប់ Brian ខណៈដែលគាត់បានឈានដល់កម្រិត​ថ្មីមួយនៅក្នុងអាជីពរបស់គាត់។