GBX-100S-1

ទទួលបានភាពធន់មាំ និងមុខងារមានប្រយោជន៍ទៅតាមតម្រូវការបែបផែនជីវិតជាអ្នកជិះក្ដារស្គីលើទឹក ព្រមទាំងវត្ថុធាតុ និងពណ៌ស័ក្ដិសមសម្រាប់រដូវក្ដៅដែលអ្នកស្រឡាញ់ជាមួយនឹងនាឡិកា G-SHOCK ពីខ្សែស្រឡាយ G-LIDE។ តាមរយៈការបំផុសគំនិតពី​កីឡាជិះ​ក្ដារស្គីលើ​ទឹក​ក្នុង​រដូវក្ដៅ កងមុខនាឡិកា​ត្រូវ​បាន​ផលិត​ឡើង​ដោយ​វត្ថុធាតុ​ពីរ​ផ្សេង​គ្នា​ ដើម្បី​បង្ហាញ​រូបរាង​បែប​រលក​ចាំងនឹង​ពន្លឺ​ថ្ងៃបង្កើតពន្លឺ​ដ៏ចែងចាំង។ ផ្នែកខាងលើកងមុខនាឡិកាធ្វើពីដែកអ៊ីណុក ដែលមានគែមផ្ទៃកញ្ចក់រាងជម្រាល មានភាពផ្ទុយគ្នាពីកងមុខនាឡិកាធ្វើពីជ័រថ្លារលោង។ ខ្សែនាឡិកា ត្រូវបានផលិតពីសារធាតុអ៊ុយរែនបែបជីវសាស្រ្ត និងមានរន្ធវះ ដើម្បីកាន់តែងាយស្រួលពាក់ ទោះជាមានទឹក និងបែកញើសក៏ដោយ។ សមាសធាតុជ័រសំខាន់ៗដែលប្រើសម្រាប់ខ្សែនាឡិកា ត្រូវបានផលិតពីជ័របែបជីវសាស្រ្ត ជាវត្ថុធាតុដើមដែលរំពឹងថា នឹងជួយកាត់បន្ថយផលប៉ះពាល់ដល់បរិស្ថាន។ លក្ខណៈទាំងអស់នេះធ្វើឱ្យងាយស្រួលពាក់ ដូច្នេះ អ្នកអាចផ្តោតអារម្មណ៍លើការជិះលើរលកតែម្ដង។ ទទួលបានមុខងារពេញលេញដោយប្រើម្រាមដៃរបស់អ្នកតាមរយៈ Smartphone Link។ គ្រាន់​តែ​ប្រើ​កម្មវិធី​ដែលមានស្រាប់ ​ដើម្បី​ជ្រើសរើស​កន្លែង​ជិះក្ដារស្គីលើទឹកធំៗ​ចំនួន 3,300 កន្លែងជុំវិញ​ពិភពលោក បន្ទាប់មកផ្ញើ​លំនាំ​ជំនោរ​នៅ​ទីតាំងជាក់លាក់​ និង​លក្ខខណ្ឌ​ពន្លឺ​ថ្ងៃ​ទៅ​នាឡិកាតែម្ដង។ អេក្រង់ MIP LCD កម្រិតគុណភាពខ្ពស់ ក៏អាចឱ្យមើលឃើញកាន់តែច្បាស់ និងផ្ដល់ក្រាហ្វជំនោរច្បាស់លាស់ និងអាយុព្រះចន្ទ ក៏ដូចជាពេលវេលា និងកម្រិតជំនោរខ្ពស់/ទាប និងពេលថ្ងៃរះ/ថ្ងៃលិច — ទាំងអស់បានភ្លាមៗ។ នាឡិកានេះត្រូវបានបង្កើតឡើង ដើម្បីជួយដល់អ្នកជិះក្ដារស្គីលើទឹកឱ្យត្រៀមខ្លួនសម្រាប់ការប្រកួតដ៏ស្វិតស្វាញជុំវិញពិភពលោក។