GM-B2100AD-2A

ពណ៌ខៀវរស់រវើកតុបតែងលើមុខនាឡិកា GM-B2100AD និងបរិវេណមុខនាឡិកា GMW-B5000D។ ពណ៌លោហធាតុប្លែកពីគេដែលផលិតដោយដំណើរបញ្ចេញចំហាយទឹក បំពេញបន្ថែមភាពរីករាយលើ​ភាពរលោងពណ៌ប្រាក់នៃផ្នែកខាងក្រៅលោហៈពេញ ដើម្បីបន្ថែមភាពទាន់សម័យនៅលើកដៃ។ ចាប់ពីកម្មវិធី​ផ្លូវការរហូតដល់សកម្មភាព​កីឡា និងសកម្មភាព​សាមញ្ញ នាឡិកាទាំងនេះស័ក្តិសមយ៉ាងស្រស់ស្អាតជាមួយសម្លៀកបំពាក់គ្រប់ប្រភេទ។

គ្រោង​មុខនាឡិកាស្រទាប់ពីរជាន់​ត្រូវបាន​ប្រើ​ដើម្បីបង្ហាញ​ផ្នែក​មុខនាឡិកាខាងក្នុង និង LCD ដែល​មានផ្ទៃប្លែក​ខុសពីគេផ្ទាល់។ តាមរយៈផ្ទៃខាត់យ៉ាងរលោងបែបស្រាល និង​ដំណើរបញ្ចេញចំហាយ​ដែលប្រើទៅលើកងមុខនាឡិកាខាងក្នុង និងដំណើរការជា​ច្រើនទៀត បច្ចេកវិទ្យាចាក់ពុម្ព​ជាក់លាក់​ដែលប្រើដោយ Yamagata Casio បង្កើតមុខនាឡិកាមានផ្ទៃល្អិតល្អន់បំផុត។ លើសពីនេះ ដំណើរបញ្ចេញចំហាយ​ដែលបានប្រើ​ទៅ​លើ​គ្រឿង​សម្គាល់ទ្រនិចរាង​វិមាត្រ និងទ្រនិច​សូចនាករ​បង្ហាញ​បញ្ជាក់​ពីទ្រង់សណ្ឋាន​​លោហៈធាតុ ដោយបង្កើតផ្ទៃ​រចនា​មុខ​នាឡិកា​ដែលបំពេញ​បន្ថែម​ផ្នែក​ខាងក្រៅ​ដែល​ជាលោហៈ​របស់​​នាឡិកាដៃ។

សមាសធាតុទ្រនាប់ដែលធ្វើពីជ័រល្អត្រូវបានដំឡើងនៅចន្លោះកងមុខដែកអ៊ីណុក និងតួប្រអប់។ គ្រោង​រចនាសម្ព័ន្ធធន់នឹងការប៉ះទង្គិចដែលនៅតែមានចាប់តាំងពី G-SHOCK ដំបូងបំផុតត្រូវបានបង្កើតឡើងនៅក្នុងនាឡិកាដែលមានផ្នែកខាងក្រៅជាលោហធាតុ។ លើសពីនេះ គ្រោង​រចនាសម្ព័ន្ធខ្នែងបី​ត្រូ​វបានប្រើសម្រាប់គ្រឿងភ្ជាប់ខ្សែ ដើម្បីបែងចែកការប៉ះទង្គិច​នឹទៅបំពង់តភ្ជាប់។ ​ការរចនាផតត្រូវ​បាន​ប្រើប្រាស់​លើ​បំណែក​ខ្សែលោហធាតុ ​ដើម្បី​បង្កើតឡើងវិញនូវ​លក្ខណៈ​រចនា​ខ្សែនាឡិកា​ជ័រ​របស់ G-SHOCK ដំបូង​បង្អស់។ ខ្នងប្រអប់​នាឡិកាបំពាក់ដោយគ្រោង​វីសចាក់សោដែលបិទភ្ជិតតឹងណែន។

កងមុខនាឡិកា និងប្រអប់នាឡិកា ឆ្លងកាត់ដំណើរការយ៉ាងល្អិតល្អន់នៃការលុតដំ ការកាត់ និងការប៉ូលា ដោយផលិតគ្រឿងទាំងនោះយ៉ាងប៉ិនប្រសប់​ឱ្យទៅជាទម្រង់ដ៏រឹងមាំ ដ៏មានអានុភាព រហូតដល់ផ្នែកខាងខ្នង​ដែលមានរាងប្រទាក់ក្រឡាគ្នា ដែលជាចំណុចសំខាន់សម្រាប់ភាពស័ក្ដិសមដ៏ជាក់លាក់។ ផ្ទៃគ្រើមម៉ត់​រលោងត្រូវបានប្រើសម្រាប់ផ្នែកខាងលើកងមុខ និងផ្ទៃកញ្ចក់ទៅជ្រុងគែម ដើម្បីបង្កើនសោភ័ណភាព​សណ្ឋានរបស់​លោហៈ។