MRG-B2000JS-1A

សូមណែនាំឱ្យស្គាល់ G-SHOCK ដ៏គួរឱ្យទាក់ទាញ ដែលបានបំផុសគំនិតដោយសិល្បៈនៃការលុតដំដាវកាតាណារបស់ជប៉ុន ពីខ្សែស្រឡាយនាឡិកាដ៏ល្បីម៉ាក MR-G ដែលផ្ដល់ការគោរពដល់ហត្ថកម្មបែបប្រពៃណី។ ទាក់ទងនឹងបច្ចេកទេសសិល្បៈប្រពៃណីរបស់ជប៉ុនដែលមានរាប់សតវត្សមកហើយ នាឡិកានេះអបអរចំពោះប្រពៃណី និងសោភ័ណភាពប្លែកពីគេនៃដាវរបស់ជប៉ុន ជាមួយនឹងការរចនាដែលរួមបញ្ចូល Juryoku-Maru៖ San ដែលជាកាតាណាដែលបានប្រគល់ជូនដោយ Casio សម្រាប់ខ្សែស្រឡាយ MR-G។ ជាពាក្យជប៉ុនដែលមានន័យថាត្រចះត្រចង់ San ដែលមាននៅក្នុងឈ្មោះដាវបង្ហាញអំពីភាពចែងចាំងនៃផ្លែដាវរបស់ជប៉ុន និងស្រោមដាវដែលបានរចនាយ៉ាងរឹងមាំ។ កងមុខដែលផលិតឡើងដោយទីតានីញ៉ូមកូនកាត់ដែលបង្កើត​ជាគ្រីស្តាល់ឡើងវិញ រំលឹកដល់លំនាំជ្រុងប្លែកពីគេដែលត្រូវបានលុតដំដោយលោកគ្រូផលិតដាវ Kamiyama Teruhira។ លំនាំនេះត្រូវបានផលិតឡើងដោយស្រទាប់ដែលបង្កើត​ជាគ្រីស្តាល់ឡើងវិញនៃទីតានីញ៉ូមសុទ្ធ និង Ti64 ដែលត្រូវបានកាត់ ប៉ូលា និងឆ្លងកាត់ដំណើរការពង្រឹង​ស្រទាប់ជ្រៅ ដើម្បីទទួលបានលក្ខណៈពិសេសប្លែកពីគេនៃលំនាំនេះ។ ភាពខុសគ្នាបន្តិចបន្តួចលើវត្ថុធាតុ និងលក្ខខណ្ឌនៃការដំណើរការ ក៏ដូចជាចំណារ 燦 ដែលជាតួអក្សរសម្រាប់ពាក្យ San ដែលបានឆ្លាក់ដោយដៃនៅលើខ្នងប្រអប់ដោយលោកគ្រូផ្ទាល់ មានន័យថា នាឡិកានីមួយៗមានរូបរាងខុសប្លែកពីគ្នាគ្មានពីរ។ បន្ទាប់ពីការបង្កើត​ទៅជាគ្រីស្តាល់ឡើងវិញ និងដំណើរការពង្រឹងស្រទាប់ជ្រៅ AIP® ពណ៌ខៀវប្រផេះត្រូវបានបញ្ចូលទៅប្រអប់កណ្ដាលដែលធ្វើពីទីតានីញ៉ូមសុទ្ធ ដើម្បីបង្ហាញអំពីពណ៌ខៀវនៃ Juryoku-Maru៖ ដាវ San។ ខ្សែនាឡិកាមានការរចនាម្រ័ក្សណ៍ខ្មុកសំបកពណ៌ខៀវ Aogai-nuri ដោយសិល្បករ Nomura Mamoru ដែលតុបតែង Juryoku-Maru៖ ស្រោមដាវ San ផលិតឡើងដោយប្រើប្រាស់បច្ចេកវិទ្យាដំណើរការដែលអភិវឌ្ឍជាពិសេសសម្រាប់នាឡិកានេះ។ Aogai-nuri សំដៅដល់ការដាំគុជខ្យង​ដែលបានប្រើប្រាស់ជារឿយៗនៅក្នុងស្រោមដាវរបស់ជប៉ុន។ ខ្សែ DAT55G ដែលជាសំលោហៈទីតានីញ៉ូមត្រូវបានចាក់ផ្ទៃដោយបច្ចេកទេសចាក់ពណ៌រចនាសម្ព័ន្ធ ដែលប្រើប្រាស់ដំណើរការល្អិតល្អន់​ច្បាស់លាស់កម្រិតខ្ពស់និងលម្អិត ដើម្បីបង្កើតពណ៌ដូចឥន្ធនូ ដែលបានបំផុសគំនិតដោយម្រ័ក្សណ៍ខ្មុកសំបកពណ៌ខៀវ Aogai-nuri។ តាមរយៈភាពរឹងមាំជាងទីតានីញ៉ូមសុទ្ធបីដង សំលោហៈពិសេស DAT55G ការពារពីការឆ្កូត និងសឹក ដើម្បីការពារមិនឱ្យមានបញ្ហាលើផ្ទៃដែលមានការរចនាបែបកញ្ចក់ និងពណ៌រចនាសម្ព័ន្ធក្នុងរយៈពេលជាច្រើនឆ្នាំ។ លើសពី​ការ​គោរព​តាម​ប្រពៃណីដ៏ស្រស់ស្អាត នាឡិកា​នេះ​ក៏ផ្តល់​នូវ​មុខងារ​ទំនើប​ដ៏​អស្ចារ្យ​ផងដែរ។ បំពាក់ដោយ Bluetooth® សម្រាប់ការភ្ជាប់ទូរសព្ទឆ្លាតវៃ នាឡិកាលៃតម្រូវទៅនឹងសញ្ញាពេលវេលារលកវិទ្យុ សម្រាប់ការរក្សាពេលវេលាច្បាស់លាស់ និងភ្ជាប់មកជាមួយមុខងារងាយស្រួលប្រើ ដែលដំណើរការដោយបច្ចេកវិទ្យា Casio ដើម។ MR-G ដ៏ពិសេសនេះអបអរទាំងសិល្បៈហត្ថកម្មប្រពៃណី និងបច្ចេកវិទ្យាទំនើបរបស់ប្រទេសជប៉ុន — ទាំងអស់នៅក្នុងនាឡិកាដែលបំផុសគំនិតដោយកាតាណាតែមួយនេះប៉ុណ្ណោះ។ Kamiyama Teruhira Kamiyama ដែលជាអ្នកផលិតដាវវ័យក្មេងពោរពេញដោយទេពកោសល្យដឹកនាំពិភពកាតាណានៅក្នុងប្រទេសជប៉ុនសម័យទំនើប។ ដំណើរស្វែងរកភាពខ្លាំង និងសម្រស់ដាវរបស់ជប៉ុនដោយ Kamiyama ឆ្លុះបញ្ចាំងអំពីចក្ខុវិស័យរបស់ Casio សម្រាប់ G-SHOCK ហើយនេះគឺជាមូលហេតុដែល Casio បានសហការជាមួយលោកគ្រូផលិតដាវកាតាណា ដើម្បីលុតដំដាវ G-SHOCK ដើម Juryoku-Maru៖ San។ Nomura Mamoru ថ្នាក់ដឹកនាំជំនាន់ទីបីនៃ SAGARADEN NOMURA នៅ Kyoto។ Nomura បានចូលរួមក្នុងអាជីវកម្មលក្ខណៈគ្រួសារនៅអាយុ 20 ឆ្នាំ។ ដោយបានសិក្សាអំពីបច្ចេកទេសប្រើ​ម្រ័ក្សខ្មុក Urushi គាត់ធ្វើគ្រប់ជំហានចាប់ពីដំណើរការលាបពណ៌រហូតដល់ការតុបតែង (ការដាំបង្កប់គុជខ្យង និងម្សៅលោហៈ Maki-e) ដោយផ្ទាល់។ ក្នុងឆ្នាំ 2018 Nomura ទទួលបានពានរង្វាន់ប្រធានហត្ថកម្មប្រពៃណីប្រទេសជប៉ុនចំពោះម្រ័ក្សខ្មុក Natsume របស់គាត់ (ប្រអប់ដាក់ម៉ាត់ឆា)។ *AIP® (ការស្រោបបន្ទះអ៊ីយ៉ុងដោយផ្កាភ្លើងអគ្គីសនី) គឺជាពាណិជ្ជសញ្ញាចុះបញ្ជីរបស់ Kobe Steel, Ltd.។ *DAT និង DAT55G គឺជាពាណិជ្ជសញ្ញចុះបញ្ជីរបស់ Daido Steel Co., Ltd.។