MTG-B3000CX-9A

នាំយកក្ដីស្រឡាញ់ចំពោះភាពស្រស់ស្អាតនៃរចនាសម្ព័ន្ធរបស់អ្នកទៅ​ភាពទំនើបបែបថ្មីមួយកម្រិតទៀត។ អបអរសាទរឆ្នាំថ្មី ឆ្នាំ 2023 ដែលជាឆ្នាំថោះ ជាមួយនឹងនាឡិកាដៃ MT-G ដ៏ពិសេសខ្លាំងនេះ ដោយរួមបញ្ចូលគ្នានូវជ័រ G-SHOCK ដើមជាមួយនឹងលោហៈធាតុក្នុងទម្រង់បែបច្នៃប្រឌិត និងការរចនាដែលបំផុសគំនិតដោយ "ទន្សាយនៅក្នុងព្រះចន្ទ"។ កងមុខដែលលុតដំបង្កើតបានជាសណ្ឋាន​វាយនភាព និងស្រោបដោយបន្ទះអ៊ីយ៉ុងមាស ដើម្បីរំលេចផ្ទៃព្រះចន្ទ ត្រូវបានបំពេញបន្ថែមដោយលំនាំចន្ទគតិនៅលើមុខនាឡិកា។ ខ្នងប្រអប់​ត្រូវបានឆ្លាក់ដោយរូបសត្វទន្សាយដ៏រស់រវើកដែលកំពុងធ្វើដំណើរទៅកាន់ឋានព្រះចន្ទ ដើម្បីឱ្យមានលក្ខណៈទាក់ទាញចិត្ត​បន្ថែម។ MTG-B3000 មានគ្រោង​ការពារដោយស្នូលពីរ ដែលការពារម៉ូឌុលនៅក្នុងប្រអប់​ជ័រដែលពង្រឹងដោយកាបូន និងរុំព័ទ្ធផ្នែកខាងក្រៅដោយ​សមាសធាតុលោហៈ។ ការសង្កត់ពុម្ព ការកាត់ និងការប៉ូលាម្តងហើយម្តងទៀត បង្កើតបានជា​ខ្នង​ប្រអប់ដែកអ៊ីណុក​ផុសឡើងលើជាទម្រង់ 3D ដ៏ប្រណិត។ ខ្នងប្រអប់​ក៏​​រួមបញ្ចូល​​ក្បាលឡោស៊ី ​ដើម្បី​ទប់​ខ្សែ និង​ជា​គ្រឿងការពារក្បាលរុយ និង​ប៊ូតុង សម្រាប់​គ្រោង​ថ្មី​ទាំងស្រុង​ និងជានាឡិកាដែលមានរាងតូចច្រឡឹង។ នាឡិកានេះមិនត្រឹមតែផ្តល់ទម្រង់រូបរាងច្នៃប្រឌិត និងសោភ័ណភាពទំនើបប៉ុណ្ណោះទេ ប៉ុន្តែក៏មានមុខងារដ៏រឹងមាំផងដែរ។ ទាញយកកម្មវិធី CASIO WATCHES ដើម្បីផ្គូផ្គងនាឡិកានេះជាមួយទូរសព្ទឆ្លាតវៃ​របស់អ្នកតាមរយៈ Bluetooth®។ ជាមួយនឹងភាពសុក្រិត​ដែលគ្រប់គ្រងដោយវិទ្យុ Multi Band 6, ការសាកថ្មដោយ Tough Solar និងអំពូល LED ដែលមានពន្លឺខ្ពស់ នាឡិកានេះជួយអ្នកឱ្យមានប្រតិបត្តិការ​បានខ្ពស់បំផុត ហើយត្រៀមខ្លួនជាស្រេច​សម្រាប់ការផ្សងព្រេងណាមួយ។