GA-1100-1A3

នេះគឺជាម៉ូដែល​មួយពី G-Shock Gravitymaster Series សម្រាប់អ្នកបើកយន្តហោះដែលធ្វើការក្នុងស្ថានភាពលំបាក។ មានភ្ជាប់មកជាមួយនូវមុខងារម៉ោងពិភពលោកទំនើប។ នាឡិកាអាកាសចរណ៍នេះគឺសម្រាប់អ្នកបើកយន្តហោះដែលត្រូវការព័ត៌មានប្រភេទផ្សេងៗគ្នា ហើយតម្រូវឱ្យ​វាអាចបង្ហាញ និងត្រួតពិនិត្យព័ត៌មានម៉ោងសម្រាប់ល្វែងម៉ោង​ផ្សេងៗគ្នា។ ភាពមើលឃើញនៃម៉ោងក្នុងតំបន់​ត្រូវបានធ្វើឱ្យប្រសើរឡើងតាមរយៈការប្រើទ្រនិច​ម៉ោង និងនាទីធំទូលាយ រីឯម៉ោងក្នុងស្រុកត្រូវបានបង្ហាញជាទម្រង់ 12 ម៉ោងនៅលើមុខនាឡិកាតូច ដែលអាចឱ្យអ្នកពិនិត្យមើលពេលវេលាបច្ចុប្បន្ននៅក្នុងទីក្រុងពីរក្នុងពេលតែមួយ។ ក៏មានភ្ជាប់មកជាមួយនូវសិនស័រត្រីវិស័យ និងសីតុណ្ហភាព និងអាចឱ្យវាស់ស្ទង់ត្រីវិស័យ និងសីតុណ្ហភាពជាបន្តបន្ទាប់ក្នុងរយៈពេល 60 វិនាទី។ អំពូល LED ដែលមានពន្លឺច្បាស់​ក៏អាចឱ្យអ្នកពិនិត្យមើលពេលវេលា និងព័ត៌មានផ្សេងទៀតនៅក្នុងទីងងឹតបានផងដែរ។ ភាពធន់រឹងមាំ និងមុខងារចម្រុះអាចឱ្យ Gravitymaster វិវត្ត​ខ្លួនយ៉ាងឆាប់រហ័សជានាឡិកាអាកាសចរណ៍។